رەسەيدەگٸ درون شابۋىلدارى كٷشەيگەننەن كەيٸن ٸرٸ كومپانييالاردىڭ لوگيستيكالىق باعىتتارىن قايتا قاراۋى مٷمكٸن ەكەنٸن بۇعان دەيٸن Protenge Telegram ارناسى جازعان بولاتىن. ەندٸ بۇل بولجامنىڭ شىندىققا اينالا باستاعانى بايقالادى, دەپ حابارلايدى dalanews.kz.
«كوممەرسانت» باسىلىمىنىڭ مەلٸمەتٸنشە, Wildberries قازاقستاننان جالپى كٶلەمٸ 100 مىڭ شارشى مەترگە دەيٸن بولاتىن قويما ٸزدەپ جاتىر. كومپانييا زاماناۋي قويما كەشەندەرٸنٸڭ باسىم بٶلٸگٸن جالعا الۋعا دايىن. سونداي-اق ماركەتپلەيس ساتۋشىلاردىڭ تاۋارلارىنىڭ بٸر بٶلٸگٸن رەسەيدەن قازاقستانعا كٶشٸرۋدٸ جوسپارلاپ وتىر.
بۇعان رەسەيدەگٸ لوگيستيكالىق نىساندارعا جاسالعان جاپپاي درون شابۋىلدارى سەبەپ بولعان. 18 شٸلدەدەن بەرٸ سانكت-پەتەربۋرگ, مەسكەۋ وبلىسى, قىرىم, تامبوۆ, ۆورونەج وبلىستارى, سونداي-اق ستاۆروپول جەنە كراسنودار ٶلكەلەرٸندەگٸ قويمالار زارداپ شەككەن. سونىڭ سالدارىنان جالپى اۋماعى 444 مىڭ شارشى مەتردەن اساتىن قويما پايدالانۋدان شىققان. «كوممەرسانتتىڭ» باعالاۋىنشا, بۇل Wildberries لوگيستيكالىق ينفراقۇرىلىمىنىڭ شامامەن 8 پايىزىنا تەڭ.
سونىمەن قاتار كومپانييا قازاقستاندا ەكٸ ٸرٸ لوگيستيكالىق ورتالىقتىڭ قۇرىلىسىن جٷرگٸزٸپ جاتىر. ونىڭ بٸرٸ الماتىدا ورنالاسادى جەنە اۋماعى 100 مىڭ شارشى مەتردەن اسادى. ال استاناداعى لوگيستيكالىق ورتالىقتىڭ كٶلەمٸ 160 مىڭ شارشى مەتردٸ قۇرايدى. ونى كەلەسٸ جىلى پايدالانۋعا بەرۋ جوسپارلانعان.
ساراپشىلاردىڭ پٸكٸرٸنشە, ٸرٸ بيزنەس لوگيستيكانى تەۋەكەلٸ جوعارى ٶڭٸرلەردە شوعىرلاندىرماي, بٸرنەشە ەلگە بٶلٸپ ورنالاستىرۋعا كٶشٸپ جاتىر. قازاقستان ٷشٸن بۇل جاڭا جٷك اعىندارىن تارتۋعا, ينۆەستيتسييا كٶلەمٸن ۇلعايتۋعا جەنە قويما ينفراقۇرىلىمىن دامىتۋعا مٷمكٸندٸك بەرۋٸ مٷمكٸن.
ال تۇتىنۋشىلار ٷشٸن مۇنىڭ تاعى بٸر جاعىمدى تۇسى بولۋى ىقتيمال — جەتكٸزۋ مەرزٸمٸ قىسقارىپ, تاسىمال شىعىندارى دا تٶمەندەۋٸ مٷمكٸن دەگەن ٷمٸت بار.
