تۇركىستانعا ۆەنگريا مەملەكەتىنەن دەلەگاسيا كەلدى. ولاردى تۇركىستان وبلىسىنىڭ اكىمى دارحان ساتىبالدى ارنايى قابىلداپ، كەلىسسوز جۇرگىزدى، دەپ حابارلايدى Dalanews. kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
ارىپتەستىك ورناتۋعا، جوبالارعا قولداۋ كورسەتۋگە دايىن ءارى جاڭا جۇمىس ورىندارىن كوبەيتۋگە مۇددەلى ەكەنىن جەتكىزدى.

– تاريحي تۇركىستانعا قوش كەلدىڭىزدەر. التى جىل بۇرىن تۇركىستان وبلىسى قۇرىلدى. بۇرىن وڭتۇستىك قازاقستان وبلىسى دەپ اتالاتىن. تۇركىستان قالاسى جاڭا وبلىس ورتالىعى بولىپ بەكىتىلىپ، شاھاردىڭ جاڭا ءداۋىرى باستالدى. ءبىزدىڭ ءوڭىر تۇرعىندارىنىڭ 80 پايىزدان استامى اۋىلداردا تۇرادى. سوندىقتان اۋىل شارۋاشىلىعى سالاسى – باسىم باعىتتاردىڭ ءبىرى. ۆەنگريانىڭ ۇزدىك تاجىريبەلەرىن اينالىمعا ەنگىزۋگە، ارىپتەستىك ورناتۋعا دايىنبىز. ۆەنگريا – ءبىز ءۇشىن باۋىرلار ءارى سەرىكتەس ەل، – دەدى دارحان ساتىبالدى.

ۆەنگريانىڭ الماتىداعى باس  كونسۋلى سابولچ كاروي سوكە ەكى مەملەكەت اراسىنداعى دوستىق جانە ەكونوميكالىق بايلانىس وتە جوعارى دەڭگەيدە ەكەنىن ايتا كەلە ۆەنگريا ينۆەستورلارىن قازاقستانعا شاقىرۋعا، كومەك كورسەتۋگە دايىن ەكەنىن اتاپ ءوتتى. ال «UBM GROUP» كومپانياسىنىڭ باس ديرەكتورى حورۆات پەتەر جىلى قارسى العان ءوڭىر باسشىسىنا العىسىن ءبىلدىردى.

– ءبىز تۇركىستان وبلىسى اۋماعىنان زاماناۋي ۇلگىدەگى قۇراما جەم زاۋىتىن سالۋدى جوسپارلاپ وتىرمىز. بۇل – اۋىل شارۋاشىلىعىنىڭ دامۋىنا سەرپىن بەرەدى. جاڭا جۇمىس ورىندارى اشىلادى. بۇدان وزگە دە جوبالار بويىنشا ارىپتەستىك ورناتىپ، تالقىلاۋعا دايىنبىز، – دەدى ۆەنگريا ينۆەستورى.

ايتا كەتەيىك، 1996 جىلى قۇرىلعان «UBM Group» كومپانيالار جەلىسى – ۆەنگرياداعى جەتەكشى جەم ءوندىرۋشى. جىلىنا 450 مىڭ توننا ءونىم شىعارادى. 4 قۇراما جەم زاۋىتى بار، ۆەنگرياداعى وسىمدىك شارۋاشىلىعى ونىمدەرىنىڭ ەڭ ءىرى ترەيدەرلەرىنىڭ ءبىرى.  استىق، مايلى داقىلدار ساۋداسىنىڭ اينالىمى –  جىلىنا 1،5 ملن توننا. ونىمدەرىن 15 ەلگە ەكسپورتتايدى.  الداعى ۋاقىتتا ۆەنگريا ينۆەستورى تۇركىستان وبلىسى اۋماعىنان قۇراما جەم زاۋىتىنىڭ قۇرىلىسىن باستاماق. وسى باعىتتا جۇمىستار جۇرگىزىلەدى