Túrkistanǵa Vengriia memleketinen delegatsiia keldi. Olardy Túrkistan oblysynyń ákimi Darhan Satybaldy arnaiy qabyldap, kelissóz júrgizdi, dep habarlaidy Dalanews. kz Túrkistan oblysy ákiminiń baspasóz qyzmetine silteme jasap.
Áriptestik ornatýǵa, jobalarǵa qoldaý kórsetýge daiyn ári jańa jumys oryndaryn kóbeitýge múddeli ekenin jetkizdi.
– Tarihi Túrkistanǵa qosh keldińizder. Alty jyl buryn Túrkistan oblysy quryldy. Buryn Ońtústik Qazaqstan oblysy dep atalatyn. Túrkistan qalasy jańa oblys ortalyǵy bolyp bekitilip, shahardyń jańa dáýiri bastaldy. Bizdiń óńir turǵyndarynyń 80 paiyzdan astamy aýyldarda turady. Sondyqtan aýyl sharýashylyǵy salasy – basym baǵyttardyń biri. Vengriianyń úzdik tájiribelerin ainalymǵa engizýge, áriptestik ornatýǵa daiynbyz. Vengriia – biz úshin baýyrlar ári seriktes el, – dedi Darhan Satybaldy.
Vengriianyń Almatydaǵy bas konsýly Sabolch Karoi Sioke eki memleket arasyndaǵy dostyq jáne ekonomikalyq bailanys óte joǵary deńgeide ekenin aita kele Vengriia investorlaryn Qazaqstanǵa shaqyrýǵa, kómek kórsetýge daiyn ekenin atap ótti. Al «UBM GROUP» kompaniiasynyń bas direktory Horvat Peter jyly qarsy alǵan óńir basshysyna alǵysyn bildirdi.
– Biz Túrkistan oblysy aýmaǵynan zamanaýi úlgidegi qurama jem zaýytyn salýdy josparlap otyrmyz. Bul – aýyl sharýashylyǵynyń damýyna serpin beredi. Jańa jumys oryndary ashylady. Budan ózge de jobalar boiynsha áriptestik ornatyp, talqylaýǵa daiynbyz, – dedi Vengriia investory.
Aita keteiik, 1996 jyly qurylǵan «UBM Group» kompaniialar jelisi – Vengriiadaǵy jetekshi jem óndirýshi. Jylyna 450 myń tonna ónim shyǵarady. 4 qurama jem zaýyty bar, Vengriiadaǵy ósimdik sharýashylyǵy ónimderiniń eń iri treiderleriniń biri. Astyq, maily daqyldar saýdasynyń ainalymy – jylyna 1,5 mln tonna. Ónimderin 15 elge eksporttaidy. Aldaǵy ýaqytta Vengriia investory Túrkistan oblysy aýmaǵynan qurama jem zaýytynyń qurylysyn bastamaq. Osy baǵytta jumystar júrgiziledi
