Reseidiń memlekettik dýmasynyń tóraǵasy Viacheslav Volodin elden ketip, keiin elge oralǵysy keletin azamattardyń bir bóligi sot aldynda jaýap berýi múmkin ekenin málimdedi, dep habarlaidy dalanews.kz.
Onyń aitýynsha, Reseiden ketip, el biligin, áskerdi nemese memleketti synaǵan, sondai-aq Ýkraina qarýly kúshterine kómektesti dep aiyptalǵan adamdardyń áreketine quqyq qorǵaý organdary mindetti túrde nazar aýdarady.
"Elden ketip, bizdiń qorǵaýshylarymyzdy qorlaǵan, memleketke ziian keltirgen, dostyqqa jat elderge kómektesken, Ýkraina qarýly kúshterin qarjylandyrǵan adamdardyń isin sot qaraidy. Mundai jalǵan azamattardyń elge oralýyna quqyq qorǵaý organdary naqty reaktsiia jasaidy", – dedi Volodin jýrnalisterdiń suraǵyna jaýap bere otyryp.
Ol sondai-aq mundai áreketke barǵan adamdar ýaqyt óte kele óz isin túsinýi múmkin ekenin aitty. Alaida olardyń kinási qylmystyq jaýapkershilikke jata ma, joq pa jáne qandai jaza qoldanylatynyn sot anyqtaidy.
"Mundai qadamǵa barǵan adam erte me, kesh pe, óz áreketin túsinedi. Biraq onyń isi qylmystyq jaýapkershilikke jata ma jáne qandai jaýapkershilik qarastyrylatynyn sot sheshedi", – dedi Memdýma tóraǵasy.
