شەرزات بولاتتىڭ ەكەسٸ قارجاۋباي نۇرىموۆتىڭ قارىنداسى پەريزات ٷيدٸڭ ٶرتەنۋٸنە قاتىستى پٸكٸر بٸلدٸردٸ, دەپ حابارلايدى Dalanews.kz ۇلىسمەدياعا سٸلتەپ.
مارقۇمنىڭ تۋعان-تۋىستارىنىڭ ايتۋىنشا, ٶرت شامامەن تٷنگٸ 00.30 ۋاقىتىندا بولعان. ٷيدە ەشكٸم بولماعان. سەبەبٸ شەرزات اتا-ەجەسٸنٸڭ قولىندا ٶسكەندٸكتەن, بۇل جاعداي ەگدە كٸسٸلەرگە قاتتى اۋىر تيگەندٸكتەن, مارقۇمنىڭ تۋعان-تۋىستارى قارا شاڭىراقتا بولعان. ٷيدەگٸ مال امان, تەك يتتٸ كٷيٸك شالعان.
وقيعا جايلى قارجاۋباي نۇرىموۆتىڭ قارىنداسى ايتىپ بەردٸ. “قارجاۋبايدىڭ ٶزٸ بٸردەڭە دەيتٸندەي جاعدايدا ەمەس” دەيدٸ ول. ۇلىنىڭ قازاسىنا قابىرعاسى سٶگٸلٸپ وتىرعان ەكەگە بۇل وقيعا ەكٸنشٸ سوققى بولىپ, ەسەڭگٸرەپ قالعان. مارقۇمنىڭ تۋعان-تۋىستارى ٶرتتٸ كٷدٸكتٸلەر جاقتان كەلگەن ەرەكەتپەن بايلانىستىرادى. ونى پەريزەت ايتىپ بەردٸ. “ٷيدٸڭ ٶرتەنۋٸن الدىڭعى بولعان جاعدايلارمەن بايلانىستىرىپ وتىرسىز با?” دەگەن سۇراققا “ەرينە, بايلانىستىرامىز” دەيدٸ.
– سوڭعى ٷش كٷندە شەرزاتتىڭ سىنىپتاستارى “كٶشەلەرٸڭٸزدە نٶمٸرٸ جوق كٶلٸكتەر جٷر” دەدٸ. ٶرت بولماي بٸر كٷن بۇرىن كٶرشٸلەر “سٸزدٸڭ ٷيلەرٸڭٸزگە نٶمٸرٸ جوق كٶلٸكپەن كەلگەندەر كٸرٸپ شىقتى, بٸز شۋلاپ, بەرٸمٸز جارىقتى جاقتىق, ايعايلاپ ەدٸك, توقتاماستان قاشىپ كەتتٸ” دەپ حابار بەردٸ. مەكتەپ بالالارىنىڭ بەرٸ دە بٸر اۋىلدان بولعان سوڭ كٸمنٸڭ قانداي كٶلٸكتٸ ايدايتىنىن بٸلەمٸز دەپ وتىر. بالالار “ٸشٸندەگٸ ادامدار دا بەيتانىس, امانداسايىق دەپ قاسىنا بارىپ ەدٸك, تەرەزەنٸ جاۋىپ الىپ, توقتاماي ٶتٸپ كەتتٸ” دەدٸ. سوڭعى ٷش كٷندە “كٶلٸكتەر جٷر” دەگەندٸ ەستٸدٸك. ٸٸم-گە بارىپ, كەلگەننەن بەرٸ وسىلاي بولىپ جاتىر, – دەيدٸ ول.
پەريزات نۇرىموۆا رەسمي ورگاندار ٶز جۇمىسىن دۇرىس اتقارمادى دەپ ەسەپتەيتٸنٸن جەتكٸزدٸ.
– قاراستىرىپ جاتىر. سونىڭ “ارقاسى”. ٸٸم-نٸڭ, تالعار, وبلىس ەكٸمدٸگٸنٸڭ “قاراستىرىپ, كٷشتٸ جۇمىس اتقارىپ جاتقاندارىنىڭ ارقاسى”. ٷيدەن ايىرىلىپ قالدىق. ٷيدٸ قويشى, جانىمىز امان. بۇعان دەيٸن كٷزەت قويىلعان جوق. ٷيگە قويماي-اق قويسىن, جوق دەگەندە اۋىلدىڭ باسىنا قويىپ بەرسٸن. كٸمنٸڭ كٸرٸپ شىعىپ جاتقانىن بٸلسٸن. قاراپايىم حالىق بولىپ, جولدان ٶتكەن كٶلٸكتٸ توقتاتىپ, “كٸمسٸڭ” دەپ سۇراي بەرسەك, ەسٸ دۇرىس ەمەس دەپ ويلايدى عوي. ۇستالعان ادامداردىڭ, سول جاقتان شىققان ادامداردىڭ بەرٸنە كٶلٸك قويىپ بەرٸپ قويىپتى. اۋىلعا كٸرە بەرٸستە كٶلٸك قويىپتى. سوندا بٸز جانىمىز شىعىپ وتىرعاندا بٸرەۋدٸڭ جانىن الۋعا شامامىز جەتە مە? مامامىزدىڭ ٶزٸ بٸر قۇلاپ, بٸر ەسٸن جيىپ وتىر. زاڭ ٶكٸلدەرٸنە ويلانۋعا بولادى عوي. بٷگٸن توپىرلاپ بەرٸ جٷر. جٷرگەننەن نە پايدا? بەرٸ بٸتكەن سوڭ! قالعانىمىزدىڭ جانىمىزدى الىپ كەتكەنٸن كٷتەمٸز بە? سٶيتٸپ, بٸر تٶبە بولىپ, ٷيٸپ قويايىن دەگەن شىعار? زاڭ ٶكٸلدەرٸ جۇمىس ٸستەسە بۇلاي بولمايدى! بٸزدٸڭ پرەزيدەنت قاسىم-جومارت كەمەلۇلى زاڭ ٶكٸلدەرٸ قالاي جۇمىس ٸستەيتٸنٸن كٶرسٸن! سول كٸسٸنٸڭ قول استىندا باسشى بولىپ, جۇمىسشىلارىنىڭ ٸس-ەرەكەتٸ وسى! – دەيدٸ ول.
ايتا كەتەيٸك, 12 قازانعا قاراعان تٷنٸ تالعار تراگەديياسىندا قازا تاپقان شەرزات بولاتتىڭ ٷيٸ ٶرتەنٸپ كەتتٸ. بۇل تۋرالى ەلەۋمەتتٸك جەلٸدە حابارلانا باستادى.
بۇل دەرەككە پوليتسييا دەپارتامەنتٸ جاۋاپ بەردٸ. 12 قازانعا قاراعان تٷنٸ ەڭبەكشٸقازاق اۋدانى ازات اۋىلىنداعى ٷيلەردٸڭ بٸرٸندە ٶرت بولدى.
بٶتەننٸڭ مٷلكٸن قاساقانا جويۋ دەرەگٸ بويىنشا پوليتسييا قىلمىستىق ٸس قوزعادى.
تەرگەۋ اياسىندا كۋەگەرلەردەن جاۋاپ الىنىپ جاتىر, سونداي-اق بەينەباقىلاۋ كامەرالارىنىڭ جازبالارى زەرتتەلٸپ جاتىر.
