تۇركىستان وبلىسىنداعى تراگەدياعا قاتىستى جاڭا دەرەك ايتىلدى، دەپ حابارلايدى Dalanews.kz.
بۇگىن تاڭەرتەڭ تۇركىستان وبلىسى تجد 101 پۋلتىنە جەتىساي اۋدانىنىڭ العاباس اۋىلىندا ورنالاسقان ەكى قاباتتى جەكە تۇرعىن ءۇي ورتەنگەنى تۋرالى حابارلاما تۇسكەن.
"وقيعا ورنىنا ءورت ءسوندىرۋ ءبولىمى جەتكەن كەزدە تۇرعىن ءۇيدىڭ تولىقتاي ورتكە ورانعانى انىقتالدى. ءورتتى بارلاۋ جانە ءسوندىرۋ بارىسىندا ءۇيدىڭ ىشىنەن ەس-تۇسسىز كۇيدەگى ءۇش ادام ەۆاكۋاسيالانىپ، جەدەل مەديسينالىق جاردەم بريگاداسىنا تاپسىرىلدى. ءۇيدىڭ ىشىنەن توعىز بالانى قوسا العاندا، بارلىعى 12 ادامنىڭ دەنەسى تابىلدى"، - دەپ جازىلعان حابارلامادا.
كورشىلەردىڭ ايتۋىنشا، الدىڭعى كۇنى ءۇي يەلەرى ءىس-شارا وتكىزگەن، ۇيدە قوناقتار بولعان. ءورت 360 شارشى مەتر اۋماقتا تولىقتاي ءسوندىرىلدى.
"وقيعا ورنىندا بارلىق جەدەل قىزمەت جۇمىس ىستەپ جاتىر. تەرگەۋ باستالدى، ءورتتىڭ شىعۋ سەبەپتەرى انىقتالىپ جاتىر"، - دەدى اكىمدىك وكىلدەرى.
ەسكە سالايىق، بۇعان دەيىن پرەزيدەنت شۇعىل تاپسىرما بەردى.
