Túrkistan oblysyndaǵy tragediiaǵa qatysty jańa derek aityldy, dep habarlaidy Dalanews.kz.
Búgin tańerteń Túrkistan oblysy TJD 101 pýltine Jetisai aýdanynyń Alǵabas aýylynda ornalasqan eki qabatty jeke turǵyn úi órtengeni týraly habarlama túsken.
"Oqiǵa ornyna órt sóndirý bólimi jetken kezde turǵyn úidiń tolyqtai órtke oranǵany anyqtaldy. Órtti barlaý jáne sóndirý barysynda úidiń ishinen es-tússiz kúidegi úsh adam evakýatsiialanyp, jedel meditsinalyq járdem brigadasyna tapsyryldy. Úidiń ishinen toǵyz balany qosa alǵanda, barlyǵy 12 adamnyń denesi tabyldy", - dep jazylǵan habarlamada.
Kórshilerdiń aitýynsha, aldyńǵy kúni úi ieleri is-shara ótkizgen, úide qonaqtar bolǵan. Órt 360 sharshy metr aýmaqta tolyqtai sóndirildi.
"Oqiǵa ornynda barlyq jedel qyzmet jumys istep jatyr. Tergeý bastaldy, órttiń shyǵý sebepteri anyqtalyp jatyr", - dedi ákimdik ókilderi.
Eske salaiyq, buǵan deiin Prezident shuǵyl tapsyrma berdi.
