مەملەكەت باسشىسى ۋكراينا توڭىرەگىندەگى جاعداي تۋرالى پىكىر ءبىلدىرىپ، ەلىمىزدىڭ تىنىشتىعى مەن تۇراقتىلىعى ەڭ باستى قۇندىلىق ەكەنىنە نازار اۋداردى، دەپ حابارلايدى Dalanews.kz.
مەملەكەت باسشىسى «جۇمىسشى ماماندىقتارىنىڭ قالاسىن» ارالاپ كورگەن سوڭ وڭىرلەردەن كەلگەن جاستارمەن كەزدەسكەن بولاتىن. پرەزيدەنت كەز كەلگەن ەڭبەك ءقادىرلى، قۇرمەتكە لايىق ەكەنىنە نازار اۋدارىپ، جاستاردى ايانباي ەڭبەك ەتۋگە شاقىردى.
سونىمەن قاتار قاسىم-جومارت توقايەۆ ۋكراينا توڭىرەگىندەگى جاعداي تۋرالى پىكىر ءبىلدىرىپ، ەلىمىزدىڭ تىنىشتىعى مەن تۇراقتىلىعى ەڭ باستى قۇندىلىق ەكەنىنە نازار اۋداردى.
"ءبىز «بىرلىگىمىز – ءارالۋاندىقتا» يدەولوگياسىن تەمىرقازىق ەتىپ ۇستانىپ وتىرمىز. ۇلتىمىز بەن نانىم-سەنىمىمىز ءارتۇرلى ەكەنىنە قاراماستان، ءبىر قوعامدا تۇتاس حالىق بولىپ ءومىر سۇرەمىز. مەن بارشاڭىزدى وسىناۋ تەرەڭ ۇدەرىستى تولىق تۇسىنۋگە شاقىرامىن. سوندا عانا تابىسقا جەتە الامىز.
ءقازىر ۋكراينا جونىندە كوپ ايتىلىپ جاتىر. ءبىز العاشقى كەزدەن باستاپ وسى سوعىستى مىندەتتى تۇردە توقتاتۋ كەرەك، ديپلوماتيالىق كەلىسسوزدەر ارقىلى ءبىر مامىلەگە كەلۋ قاجەت دەپ ايتتىق. بۇل ۇستانىمىمىز ەندى شىندىققا اينالدى. ەكى الپاۋىت ەل ساياسي سۇحبات جۇرگىزە باستادى.
بۇل – جاقسى ءۇردىس. ءارى قازاقستانعا پايداسىن تيگىزەدى. سوندىقتان ءبىز مۇنى مەيلىنشە قولدايمىز"، – دەدى پرەزيدەنت.
