Memleket basshysy Ýkraina tóńiregindegi jaǵdai týraly pikir bildirip, elimizdiń tynyshtyǵy men turaqtylyǵy eń basty qundylyq ekenine nazar aýdardy, dep habarlaidy Dalanews.kz.
Memleket basshysy «Jumysshy mamandyqtarynyń qalasyn» aralap kórgen soń óńirlerden kelgen jastarmen kezdesken bolatyn. Prezident kez kelgen eńbek qadirli, qurmetke laiyq ekenine nazar aýdaryp, jastardy aianbai eńbek etýge shaqyrdy.
Sonymen qatar Qasym-Jomart Toqaev Ýkraina tóńiregindegi jaǵdai týraly pikir bildirip, elimizdiń tynyshtyǵy men turaqtylyǵy eń basty qundylyq ekenine nazar aýdardy.
"Biz «Birligimiz – áralýandyqta» ideologiiasyn temirqazyq etip ustanyp otyrmyz. Ultymyz ben nanym-senimimiz ártúrli ekenine qaramastan, bir qoǵamda tutas halyq bolyp ómir súremiz. Men barshańyzdy osynaý tereń úderisti tolyq túsinýge shaqyramyn. Sonda ǵana tabysqa jete alamyz.
Qazir Ýkraina jóninde kóp aitylyp jatyr. Biz alǵashqy kezden bastap osy soǵysty mindetti túrde toqtatý kerek, diplomatiialyq kelissózder arqyly bir mámilege kelý qajet dep aittyq. Bul ustanymymyz endi shyndyqqa ainaldy. Eki alpaýyt el saiasi suhbat júrgize bastady.
Bul – jaqsy úrdis. Ári Qazaqstanǵa paidasyn tigizedi. Sondyqtan biz muny meilinshe qoldaimyz", – dedi Prezident.
