"ۇشاق كەشٸكسە, بيلەت قۇنى قايتارىلادى": دەپۋتات ەبەنوۆ جاقسى جاڭالىقتى ايتتى

قازاقستاندا ەۋە جولاۋشىلارىنىڭ قۇقىقتارىن قورعاۋ كٷشەيتٸلۋٸ مٷمكٸن, دەپ حابارلايدى Dalanews.kz.

قازاقستاندا ەۋە جولاۋشىلارىنىڭ قۇقىقتارىن قورعاۋعا باعىتتالعان ماڭىزدى ٶزگەرٸستەر تالقىلانىپ جاتىر. مەجٸلٸس دەپۋتاتى مۇرات ەبەنوۆتٸڭ ايتۋىنشا, 2020 جىلى قابىلدانعان بٸرقاتار نورمالار اۆياكومپانييالاردىڭ مٷددەسٸن عانا قورعاپ, جولاۋشىلاردى تاڭداۋ قۇقىعىنان ايىرعان.

اتاپ ايتقاندا, "قايتارىلمايتىن بيلەت" ۇعىمى زاڭدا بەكٸتٸلٸپ, بيلەتتٸڭ باعاسىنا قاراماستان, قاراجاتتى قايتارماۋعا مٷمكٸندٸك بەرٸلدٸ. سونىمەن قاتار, ەۋە كومپانييالارىنا قاتىستى تۇتىنۋشىلاردىڭ شاعىمدارى تەكسەرۋگە نەگٸز بولا المايتىن. بۇل سالا ٸس جٷزٸندە مەملەكەتتٸك باقىلاۋدان تىس قالدى.

الايدا قوعامدىق تالقىلاۋلار نەتيجەسٸندە 2023 جىلى ەزٸرلەنگەن جاڭا زاڭ جوباسىنان بۇل نورمالار الىنىپ تاستالدى. جوبا ٷكٸمەت پەن پرەزيدەنت ەكٸمشٸلٸگٸنٸڭ قولداۋىنا يە بولعانىمەن, ەلٸ كٷنگە دەيٸن سالالىق لوببيستەردٸڭ قارسىلىعىنا بايلانىستى توقتاپ تۇر.

جاقىندا دەپۋتات ەۋە جولاۋشىلارىنىڭ قۇقىقتارى بويىنشا كٶلٸك مينيسترٸ نۇرلان ساۋرانباەۆپەن كەزدەسكەن. كەزدەسۋ بارىسىندا مينيستر ازاماتتاردىڭ مٷددەسٸن قورعاۋعا باعىتتالعان بٸرقاتار ۇسىنىستى قولداعان. ولاردىڭ قاتارىندا:
– ناقتى جەڭٸلدٸكپەن ساتىلعان بيلەتتەرگە عانا شەكتەۋلٸ ايىپپۇل قولدانۋ;
– وۆەربۋكينگ ٷشٸن جولاۋشىلارعا ٶتەماقى تٶلەۋ;
– رەيس كەشٸككەن جاعدايدا بيلەتتٸ ايىپپۇلسىز قايتارۋ;
– ۆاۋچەرلەردەن تولىق باس تارتىپ, اقشانى 7 كٷن ٸشٸندە قايتارۋ;
– رەيس كەشٸگۋٸ مەن قىزمەت ساپاسىنا اۆتوماتتى ٶتەماقى ەنگٸزۋ بار.

مۇرات ەبەنوۆتٸڭ ايتۋىنشا, ماقسات – تىيىم سالۋ ەمەس, اۆياكومپانييالاردىڭ جاۋاپكەرشٸلٸگٸن ارتتىرۋ جەنە جولاۋشىنىڭ ناقتى تاڭداۋ قۇقىعىن قامتاماسىز ەتۋ. قازٸرگٸ تاڭدا زاڭ جوباسىنىڭ سوڭعى نۇسقاسى پىسىقتالىپ جاتىر. قۇجاتتى وسى كٶكتەمدە قابىلداۋ جوسپارلانعان.