اسىل تۇقىمدى مال سانىن كٶبەيتۋ, ٶنٸمٸن ەكسپورتقا شىعارۋ بويىنشا بٸرقاتار جۇمىستار اتقارىلىپ, قارجىلىق كٶمەك كٶرسەتۋ شارالارى دا قولعا الىنعان.
وسى رەتتە ٷرجارلىق جەكە كەسٸپكەر مەۋلٸتبەك قاليەۆتىڭ شارۋا قوجالىعى بۇعان دەلەل. مەۋلٸتبەك قاليەۆ اسىل تۇقىمدى مال شارۋاشىلىعىن دامىتۋعا باسا نازار اۋدارىپ وتىر.
كەسٸپكەر 2003 جىلى جەر الىپ, جەكە قوجالىق قۇرادى. سول كەزدە نەبارى 200 گەكتار جايىلىمى, 35 گەكتار ەگٸستٸگٸ عانا بولعان شاعىن شارۋاشىلىقتىڭ ٸسٸ بٷگٸندە وڭعا باسىپ, العا ٶرلەۋدە.
كەسٸپكەر ٸرگەسٸن قالاعان قوجالىقتىڭ اتى "العاباس" دەپ اتالادى.
"ٸسٸمٸز العا باسىپ, اتقارعان ەڭبەگٸمٸزدٸڭ جەمٸسٸن جەۋ ٷشٸن ىرىمداپ "العاباس" دەپ قويدىم. 2007 جىلى «اسىل تۇقىمدى» مال فەرماسى مەرتەبەسٸن الدىق. ەرينە, ايتقان وڭاي. انىعىندا كٶپتەگەن قيىندىقتارعا كەزدەستٸك. سوعان قاراماي باستاعان ٸسٸمٸزدٸ سوڭىنا دەيٸن جەتكٸزۋدٸ ماقسات تۇتتىق", – دەيدٸ كەسٸپكەر.
بٷگٸندە ول انگۋس پەن شاروللە تۇقىمداس ٸرٸ قارا مالداردى ٶسٸرٸپ, اۋدان ەكونوميكاسىنىڭ ٶركەندەۋٸنە ەلەۋلٸ ٷلەس قوسۋدا.
"2013 جىلى مەملەكەتتٸڭ جەردەمٸمەن فرانتسييادان 226 باس «شارولە» اسىل تۇقىمدى مالىن ەكەلدٸك, وعان قوسا 475 باس «انگۋس» اسىل تۇقىمدى ٸرٸ قارا ساتىپ الدىق. ەزٸر ٸرٸ قارانىڭ سانىن كٶبەيتۋدٸ كٶزدەپ وتىرمىز, قازٸرگٸ ولاردىڭ سانى 1300-دەن اسادى", – دەيدٸ ول.
مەۋلٸتبەك قاليەۆتٸڭ ايتۋىنشا, ول بىلتىر ٶزبەكستانعا 130 توننادان استام ەت ەكسپورتتاعان. بٷگٸندە بۇل شارۋا قوجالىقتا جەتپٸستەن استام جۇمىس ٸستەۋدە.
قوي شارۋاشىلىعىن اسىلداندىرۋدى قولعا العان شارۋاشىلىق قازٸرگٸ تاڭدا 1228 باس «بايىس» دەپ اتالاتىن اسىل تۇقىمدى قوي ٶسٸرٸپ وتىر. قوجالىقتا 1668 باس جىلقى بار.
ناۋقان كەزٸندە شارۋاشىلىقتاعى جۇمىسشىلاردىڭ سانى 100-گە جەتەدٸ. كەسٸپكەر ولاردىڭ بارلىعى ايلىعىن ٷزبەي تٶلەپ وتىر. قوجالىقتاعى ورتاشا ايلىق 60-70 مىڭ تەڭگەنٸڭ تٶڭٸرەگٸندە.
"جالاقى مەسەلەسٸنە جاۋاپپەن قارايمىن. قاراماعىمداعى جۇمىسشىلاردىڭ وتباسى, بالا-شاعاسى بار. سوندىقتان ايلىق مەسەلەسٸ بٸزدٸڭ قوجالىقتا بٸرٸنشٸ كەزەكتە شەشٸلەدٸ. بۇدان بٶلەك بەلسەندٸ جۇمىسشىلارعا سىياقى تاعايىنداپ, ەرتٷرلٸ ەلەۋمەتتٸك كٶمەك كٶرسەتٸپ تۇرۋعا تىرىسامىز", – دەيدٸ مەۋلٸتبەك قاليەۆ.
ٷرجار اۋداندىق كەسٸپكەرلٸك جەنە اۋىلشارۋاشىلىعى بٶلٸمٸنٸڭ باسشىسى بولات ەرزاتوۆتىڭ ايتۋىنشا, بيىل ٷرجارلىق شارۋا قوجالىقتارى مالدارىن ٶزبەكستانمەن قاتار رەسەي مەملەكەتٸنە ەكسپورتقا شىعارماقشى.
– اۋداندا مەملەكەتتٸڭ قولداۋىمەن جىل سايىن مال بورداقىلاۋ الاڭدارى اشىلۋدا. ٷرجارداعى ەڭ ٸرٸ «العاباس» شارۋا قوجالىعىنىڭ مال بورداقىلاۋ الاڭىنا ۇساق شارۋالار بٸرٸكتٸرٸلٸپ, شارۋالارىن دٶڭگەلەتٸپ جاتىر. اسىل تۇقىمدى مالدار سەمٸرتٸلٸپ, كەيبٸرەۋلەرٸنٸڭ سالماعى 450 كەلٸگە دەيٸن جەتەدٸ, - دەيدٸ بٶلٸم باسشىسى.
ەسەم جۇماعاليقىزى
