قازاقستان ۇلتتىق قورىنان قىركٷيەكتە ٸشكٸ ۆاليۋتا نارىعىندا $200-300 ملن كٶلەمٸندە ۆاليۋتا ساتىلادى, دەپ حابارلايدى dalanews.kz.
ۇلتتىق بانكتٸڭ مەلٸمەتٸنشە, تامىز قورىتىندىسى بويىنشا تەڭگە باعامى 2,6%-عا نىعايىپ, بٸر دوللار ٷشٸن 461,57 تەڭگەنٸ قۇرادى. قازاقستان قور بيرجاسىنداعى (KASE) ساۋدا-ساتتىقتىڭ ورتاشا تەۋلٸكتٸك كٶلەمٸ $389 ملن-نان $415 ملن-عا دەيٸن ٶستٸ. اي قورىتىندىسىندا ساۋدا-ساتتىقتىڭ جالپى كٶلەمٸ $8,7 ملرد بولدى.
تامىزدا ۇلتتىق قوردان بيرجالىق نارىقتا $200 ملن كٶلەمٸندە ۆاليۋتا ساتىلعان. بۇل جالپى ساۋدا كٶلەمٸنٸڭ 2,3%-ىن نەمەسە شامامەن $9,5 ملن-دى قۇرادى.
قىركٷيەكتە ۇلتتىق بانك ۇلتتىق قور قاراجاتى ەسەبٸنەن بيرجالىق نارىقتا $200-300 ملن كٶلەمٸندە ۆاليۋتا ساتۋدى جوسپارلاپ وتىر.
سونىمەن قاتار قىركٷيەكتەن باستاپ ۇلتتىق بانك ۇلتتىق قور وپەراتسييالارىن ٸشكٸ ۆاليۋتا نارىعىندا «اينا قاعيداتى» بويىنشا جٷرگٸزۋگە كٸرٸسەدٸ. بۇل تەتٸك اياسىندا قىركٷيەكتە بۇعان دەيٸن ساتىپ الىنعان شەتەل ۆاليۋتاسىن $200-300 ملن كٶلەمٸندە ساتۋ جوسپارلانعان.
ۇلتتىق بانك مەلٸمەتٸنشە, تامىزدا التىن ساتىپ الۋدى «اينا» تەتٸگٸ ارقىلى زالالسىزداندىرۋ شەڭبەرٸندە شامامەن 374 ملرد تەڭگە ستەريليزاتسييالانعان. قىركٷيەكتە وسى ماقساتتا 374 ملرد تەڭگەگە بالامالى ۆاليۋتا ساتۋ كٷتٸلەدٸ.
رەتتەۋشٸ ۇلتتىق قور قاراجاتى بويىنشا وپەراتسييالار جٷرگٸزۋ كەزٸندە دە, «اينا» تەتٸگٸن ٸسكە اسىرۋ بارىسىندا دا نارىقتىق بەيتاراپتىق قاعيداتى ساقتالاتىنىن اتاپ ٶتتٸ.
تامىزدا ۇلتتىق بانك ۆاليۋتالىق ينتەرۆەنتسييالار جٷرگٸزبەگەن.
سونىمەن قاتار بٸرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرٸندەگٸ ۆاليۋتالىق ٷلەستٸ قولداۋ ماقساتىندا ۇلتتىق بانك تامىزدا بيرجالىق ساۋدا-ساتتىق بارىسىندا شەتەل ۆاليۋتاسىن ساتىپ الدى. ساتىپ الۋ كٶلەمٸ $721 ملن نەمەسە جالپى ساۋدا كٶلەمٸنٸڭ شامامەن 8,3%-ىن قۇرادى.
ۇلتتىق بانك بۇدان كەيٸنگٸ شەشٸمدەر نارىقتاعى جاعدايدى ەسكەرە وتىرىپ, زەينەتاقى اكتيۆتەرٸن ينۆەستيتسييالىق باسقارۋ شەڭبەرٸندە قابىلداناتىنىن مەلٸمدەدٸ.
رەتتەۋشٸنٸڭ باعالاۋىنشا, قىسقا مەرزٸمدە تەڭگە باعامىنا نارىق قاتىسۋشىلارىنىڭ كٷتۋلەرٸ, توقساندىق سالىق تٶلەمدەرٸ, ەلەمدٸك نارىقتارداعى احۋال جەنە گەوساياسي جاعدايدىڭ ٶزگەرۋٸ ەسەر ەتەدٸ.
ۇلتتىق بانك تەڭگەنٸڭ يكەمدٸ باعام قالىپتاستىرۋ رەجيمٸن ۇستانۋدى جالعاستىرادى. رەتتەۋشٸنٸڭ مەلٸمەتٸنشە, بۇل رەجيم نارىقتاعى تەڭگەرٸمسٸزدٸكتەردٸڭ جيناقتالۋىنا جول بەرمەي, ەلدٸڭ التىن-ۆاليۋتا رەزەرۆتەرٸنٸڭ ساقتالۋىن قامتاماسىز ەتۋگە باعىتتالعان.
