ۇلىتاۋ وبلىسىندا اۋىلدىق وكرۋگ اكىمى زاڭبۇزۋشىلىقتاردى جويۋ تۋرالى ۇسىنىسقا ۋاقىتىلى جاۋاپ بەرمەگەنى ءۇشىن جاۋاپكەرشىلىككە تارتىلدى. سوت وعان 27،5 مىڭ تەڭگە كولەمىندە ايىپپۇل تاعايىندادى، دەپ حابارلايدى Dalanews.kz.
"جاڭاارقا اۋداندىق سوتى اۋىلدىق وكرۋگ اكىمى، ازامات س.-عا قاتىستى اكىمشىلىك قۇقىقبۇزۋشىلىق تۋرالى كودەكستىڭ 479-بابى (زاڭبۇزۋشىلىقتاردى جويۋ تۋرالى ۇسىنىسقا ۋاقىتىلى جاۋاپ بەرمەۋ) بويىنشا اكىمشىلىك ءىستى قارادى. (...) سوت جەڭىلدەتەتىن ءمان-جايلاردى ەسكەرە وتىرىپ، ازامات س.-نى كىنالى دەپ تانىپ، وعان 27 524 تەڭگە كولەمىندە ايىپپۇل سالدى"، – دەلىنگەن حابارلامادا.
اكىمنىڭ بەلگىلەنگەن مەرزىمدە تەرگەۋشىنىڭ زاڭبۇزۋشىلىقتاردى جويۋ تۋرالى ۇسىنىسىنا جاۋاپ بەرمەۋى بۇل ءىستىڭ قارالۋىنا نەگىز بولعان.
بۇعان دەيىن، 2023 جىلعى 6 قاراشادا، اۋدان اۋماعىندا سپورت كەشەنىنىڭ قۇرىلىسىنا ارنالعان قۇرىلىس ماتەريالدارىن ۇرلاۋ فاكتىسى بويىنشا قىلمىستىق ءىس قوزعالعان. وسىعان بايلانىستى 2024 جىلعى 12 قاراشادا تەرگەۋشى جاڭاارقا اۋدانى اكىمىنە ءتيىستى قۇجات جولداعان. ول 14 قاراشادا اۋىل اكىمىنە تاپسىرىلعانىمەن، اكىم ءبىر اي ىشىندە جاۋاپ بەرمەگەن.
سوت وتىرىسىندا اكىم ءوز كىناسىن تولىق مويىنداپ، بەلگىلەنگەن مەرزىمدە جاۋاپ بەرە الماعانىن ەلەكترمەن جابدىقتاۋداعى ماسەلەلەرمەن ءتۇسىندىردى. جەڭىلدەتەتىن ءمان-جايلاردى ەسكەرە وتىرىپ، سوت وعان اكىمشىلىك ايىپپۇل سالۋ تۋرالى شەشىم شىعاردى.
