استانادا ۋنيۆەرسيتەت جاتاقحاناسىنىڭ كومەندانتى ستۋدەنتتەر مەن قىزمەتكەرلەردەن زاڭسىز اقشا جيناپ, شەتەلدٸك ازاماتتارعا ۋاقىتشا تٸركەۋ رەسٸمدەگەنٸ ٷشٸن 2 جىلعا باس بوستاندىعىنان ايىرىلدى, دەپ حابارلايدى dalanews.kz.
استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتى ب.-عا قاتىستى ايىپتاۋ ٷكٸمٸن 25 قىركٷيەكتە جارييالادى.
سوت انىقتاعانداي, سوتتالۋشى ۋنيۆەرسيتەتتەردٸڭ بٸرٸندە جاتاقحانا كومەندانتى بولىپ جۇمىس ٸستەپ, بەس جىل بويى ستۋدەنتتەر مەن قىزمەتكەرلەردەن اي سايىن 14 300 تەڭگەدەن جيناپ وتىرعان. ول بۇل قاراجاتتى ۋنيۆەرسيتەت باسشىلىعىنىڭ تاپسىرماسى بويىنشا جيناپ جاتقانىن ايتقان. الايدا سوت ونىڭ مۇنداي اقشا جيناۋعا زاڭدى نەگٸزٸ بولماعانىن انىقتادى.
وسى ەرەكەت سالدارىنان ۋنيۆەرسيتەتكە 3 ملن تەڭگەدەن استام ماتەريالدىق زالال كەلتٸرٸلگەن. كەلتٸرٸلگەن شىعىن ٶتەلمەگەن.
سونىمەن قاتار كومەندانت ۋنيۆەرسيتەت قۇجاتتارىن قولدان جاساپ, شەتەلدٸك ازاماتتارعا ۋاقىتشا تۇرۋعا تٸركەۋ رەسٸمدەۋ ٷشٸن «ازاماتتارعا ارنالعان ٷكٸمەت» مەملەكەتتٸك كورپوراتسيياسىنا تيٸستٸ ٶتٸنٸشتەر جٸبەرگەن.
سوت مەلٸمەتٸنشە, 2024 جىلعى 16 قىركٷيەك پەن 2025 جىلعى 13 اقپان ارالىعىندا ۋنيۆەرسيتەت جاتاقحاناسىندا 57 شەتەلدٸك ازامات تٸركەلگەن. سوتتالۋشى ولاردىڭ ەرقايسىسىن تٸركەگەنٸ ٷشٸن 40 مىڭ تەڭگەدەن العان.
سوتتا ونىڭ كٸنەسٸ جەبٸرلەنۋشٸ ٶكٸلٸنٸڭ جەنە كۋەلاردىڭ ايعاقتارىمەن, ساراپتاما قورىتىندىلارىمەن, زاتتاي دەلەلدەمەلەرمەن جەنە قىلمىستىق ٸس ماتەريالدارىمەن دەلەلدەنگەن.
سوتتالۋشى كٸنەسٸن مويىنداماي, ٶزٸن اقتاۋدى سۇراعان.
سوت قىلمىستىق قۇقىق بۇزۋشىلىقتاردىڭ جيىنتىعىن, ولاردىڭ مەن-جايى مەن اۋىرلىعىن جەنە كەلتٸرٸلگەن زالالدىڭ ٶتەلمەگەنٸن ەسكەرە وتىرىپ, ب.-عا 2 جىلعا باس بوستاندىعىنان ايىرۋ جازاسىن تاعايىندادى. سونىمەن قاتار ول ۇيىمدىق-ٶكٸمدٸك جەنە ەكٸمشٸلٸك-شارۋاشىلىق فۋنكتسييالاردى جٷزەگە اسىرۋعا بايلانىستى لاۋازىمداردى اتقارۋ قۇقىعىنان 3 جىلعا ايىرىلدى.
سوت جازانى جەڭٸلدەتەتٸن مەن-جاي رەتٸندە ونىڭ كەمەلەتكە تولماعان بالاسى بارىن جەنە بۇرىن سوتتالماعانىن ەسكەردٸ. اۋىرلاتاتىن مەن-جايلار انىقتالعان جوق.
جەبٸرلەنۋشٸنٸڭ ازاماتتىق تالاپ-ارىزى قاناعاتتاندىرىلدى.
ٷكٸم ەزٸرگە زاڭدى كٷشٸنە ەنگەن جوق.
