مارقۇم الەكساندر ماشكەۆيچتٸڭ ٷلەسٸ مەن شوديەۆتٸڭ يبراگيموۆتەرمەن كٷرەسٸنە قاتىستى 19 قىركٷيەككە جوسپارلانعان ەۋرازييالىق قارجىلىق كومپانيياسى اكتسيونەرلەرٸنٸڭ جينالىسىن سوت بولدىرماي تاستادى, دەپ حابارلايدى Dalanews.kz "رۋچنايا ەكونوميكا" Telegram ارناسىنا سٸلتەمە جاساپ.
دەرەككٶزدٸڭ حابارلاۋىنشا, جينالىستى ٶتكٸزۋگە كومپانييانىڭ 33% اكتسيياسىنا يەلٸك ەتەتٸن پاتوح شوديەۆ باسشىلىق ەتكەن. الايدا مەسەلەگە سوت ارالاسىپ, بۇل جيىن ٶتپەي قالعان.
ديرەكتورلار كەڭەسٸ 30 شٸلدەدە كەزەكتٸ جينالىستى قىركٷيەكتە ٶتكٸزۋدٸ جوسپارلاعان بولاتىن.
جيىندا ەكٸ نەگٸزگٸ مەسەلەنٸ قاراستىرۋ جوسپارلانعان بولاتىن:
- قوعام قۇرامىن انىقتاۋ, وندا دا سانى جاعىنان (مٷمكٸن اكتسيونەرلەردٸڭ نەمەسە ديرەكتورلار كەڭەسٸنٸڭ قۇرامىنداعى الداعى ٶزگەرٸستەرگە بايلانىستى);
- ٶتكەن جىلدارداعى جيناقتالعان تابىستى ديۆيدەند تٷرٸندە تٶلەۋ ٷشٸن بٶلۋدٸ.
سول كٷنٸ, 30 شٸلدەدە كومپانييا ديرەكتورى اۋىسقان بولاتىن: ينەسسا كيمنٸڭ ورنىنا ەۋرازييالىق بانكتٸڭ بۇرىنعى تەۋەلسٸز ديرەكتورى جانبوتا بەكەنوۆ كەلگەن ەدٸ.
ايتقانداي, كومپانييادا دٷدامال جاعداي ەلٸ دە ساقتالۋدا: ٷشٸنشٸ اكتسيونەر – الەكساندر ماشكەۆيچ قايتىس بولعاننان بەرٸ جارتى جىلعا جۋىق ۋاقىت ٶتتٸ, بٸراق ونىڭ ٷلەسٸنە كٸم مۇرا بولعانى ەلٸ بەلگٸسٸز.
ەۋرازييالىق قارجىلىق كومپانييا اينالاسىنداعى جاعداي سوت تٶڭٸرەگٸندەگٸ داۋ-دامايمەن شيەلەنٸسە تٷسۋدە.
"الماتى سوتى مۋنيسا شوديەۆا, پاتوح شوديەۆ جەنە شۋحرات يبراگيموۆتىڭ تالاپتارىن بٸر ٶندٸرٸسكە بٸرٸكتٸردٸ. بۇرىن اكتسيونەرلەر جينالىسىن جاساۋعا يبراگيموۆ جول بەرمەي كەلگەنٸ بەلگٸلٸ, ال شوديەۆ ولاردى شاقىرۋمەن ەلەك", دەلٸنگەن حابارلامادا.
ناۋرىز ايىندا Bloomberg باسىلىمى ماشكەۆيچ پەن شوديەۆ "ەۋرازييالىقتاردىڭ" قارجىلىق اكتيۆتەرٸن كەسٸپكەر تيمۋر تۇرلوۆقا 1 ميلليارد دوللارعا ساتۋدى جوسپارلاپ وتىرعانىن جازعان بولاتىن.
ەستەرٸڭٸزگە سالا كەتەيٸك, ەۋرازييالىق قارجى كومپانيياسىنىڭ اكتسيونەرلەرٸ اراسىندا جانجال بۇرق ەتكەن. پاتوح شوديەۆ ديرەكتورلار كەڭەسٸنٸڭ شەشٸمدەرٸنٸڭ كٷشٸن جويۋعا ۇمتىلىپ, اكتسيونەرلەردٸڭ كەزەكتەن تىس جينالىسىنا باستاماشى بولۋدا. داۋعا جاڭا تاراپتار – كومپانييانىڭ ٶزٸ جەنە شوديەۆتٸڭ قىزى دا ارالاسۋدا. كومپانييا اكتسيونەرلەرٸنٸڭ ٸشكٸ قاقتىعىسى جەنە تەۋەكەلدەردٸ باسقارۋداعى بۇزۋشىلىقتار رەتتەۋشٸ ورگاننىڭ نازارىنا ٸلٸكتٸ. قنردا بۇل جايت بانكتٸڭ قارجىلىق تۇراقتىلىعى مەن كليەنتتەردٸڭ سەنٸمٸنە ەسەر ەتۋٸ مٷمكٸن ەكەنٸن ەسكەرتتٸ. كەيٸنٸرەك سوت كومپانييانىڭ تەڭ يەسٸ پاتوح شوديەۆكە ديرەكتورلار كەڭەسٸنٸڭ شەشٸمدەرٸن جارامسىز دەپ تانۋ جەنە مورالدىق زالال ٷشٸن 1 ميلليون تەڭگە ٶتەماقى ٶندٸرٸپ الۋ تۋرالى تالاپ-ارىزىن قاناعاتتاندىرماعانى بەلگٸلٸ بولدى. سونداي-اق ونىڭ قىزى مۋنيسا شوديەۆانىڭ شۋحرات يبراگيموۆ پەن تەۋەلسٸز ديرەكتور اندرەي كوپوۆقا قارسى شاعىمدارى دا قاراۋسىز قالدىرىلعان.
