ايىرتاۋ اۋىلدىق وكرۋگىندەگى "رەجەبالييەۆ" شارۋا قوجالىعىنداعى ءسۇت-تاۋار فەرماسىندا ساۋىن تابىنىن ۇلعايتۋ بويىنشا قارقىندى جۇمىس جۇرگىزىلۋدە. شارۋاشىلىق ونىمدىلىگى جوعارى، اسىل تۇقىمدى مال ساتىپ الۋدى جوسپارلاپ وتىر.
سونىمەن قاتار، اۋداننىڭ ءوسۋى مەن دامۋى ءۇشىن جاقسى مۇمكىندىكتەر بار. مۇندا ءقازىردىڭ وزىندە وسكەمەن قۇس فابريكاسىنىڭ ءۇش وبەكتىسى سالىنۋدا. ەت جانە ەت ونىمدەرىن ءوندىرۋ بويىنشا ۇلكەن كلاستەر قۇرۋ جوسپارلانۋدا.
گەراسيموۆكا اۋىل شارۋاشىلىعى بازاسىندا 5 مىڭ باسقا ارنالعان بورداقىلاۋ الاڭىنىڭ، سونداي-اق ەت كونسەرۆىلەرىن ءوندىرۋ زاۋىتىنىڭ قۇرىلىسى باستالدى. جوبانىڭ جالپى قۇنى 700 ملن تەڭگەنى قۇرايدى. بۇگىنگى كۇنى قۇرىلىس-مونتاجداۋ جۇمىستارى اياقتالدى، رەسەي فەدەراسياسىنان جابدىقتاردى جەتكىزۋشىلەرمەن شارت جاسالدى.
ۇلان اۋدانى اكىمدىگىنىڭ حابارلاۋىنشا، اعىمداعى جىلدىڭ ءساۋىر-مامىر ايلارىندا ىشكى قۇرىلىس جۇمىستارىن اياقتاۋ جوسپارلانعان. جالپى، كاسىپورىن كۇنىنە 25 تونناعا دەيىن ەت، سونداي-اق 8 مىڭ داناعا دەيىن كونسەرۆى شىعارۋدى جوسپارلاپ وتىر. ولار ونىمدەردى رەسەي مەن جۇڭگو ەلدەرىنە ەكسپورتتاۋدى جوسپارلاپ وتىر.
