Aıyrtaý aýyldyq okrýgindegi "Rejebalıev" sharýa qojalyǵyndaǵy sút-taýar fermasynda saýyn tabynyn ulǵaıtý boıynsha qarqyndy jumys júrgizilýde. Sharýashylyq ónimdiligi joǵary, asyl tuqymdy mal satyp alýdy josparlap otyr.
Sonymen qatar, aýdannyń ósýi men damýy úshin jaqsy múmkindikter bar. Munda qazirdiń ózinde Óskemen qus fabrıkasynyń úsh obektisi salynýda. Et jáne et ónimderin óndirý boıynsha úlken klaster qurý josparlanýda.
Gerasımovka aýyl sharýashylyǵy bazasynda 5 myń basqa arnalǵan bordaqylaý alańynyń, sondaı-aq et konservilerin óndirý zaýytynyń qurylysy bastaldy. Jobanyń jalpy quny 700 mln teńgeni quraıdy. Búgingi kúni qurylys-montajdaý jumystary aıaqtaldy, Reseı Federasıasynan jabdyqtardy jetkizýshilermen shart jasaldy.
Ulan aýdany ákimdiginiń habarlaýynsha, aǵymdaǵy jyldyń sáýir-mamyr aılarynda ishki qurylys jumystaryn aıaqtaý josparlanǵan. Jalpy, kásiporyn kúnine 25 tonnaǵa deıin et, sondaı-aq 8 myń danaǵa deıin konservi shyǵarýdy josparlap otyr. Olar ónimderdi Reseı men Qytaı elderine eksporttaýdy josparlap otyr.
