«جالپى، بيىل وبلىسقا 163،5 ملرد. تەڭگە ينۆەستيسيا باعىتتالدى. ءوڭىردىڭ ينۆەستيسيالىق-تۋريستىك تارتىمدىلىعىن ارتتىرۋ ماقساتىندا اعىمداعى جىلدىڭ 28 قىركۇيەگىندە تۇركىستان قالاسىندا 1ء-شى «كونە تۇركىستان – جاڭا مۇمكىندىكتەر» اتتى حالىقارالىق ينۆەستيسيالىق جانە تۋريستىك فورۋمى ءوتتى. اتالعان فورۋمعا 17 شەتەلدىك جانە وتاندىق 500-گە جۋىق كاسىپكەر قاتىستى. ناتيجەسىندە 17 كەلىسىمگە قول قويىلىپ، وبلىس ەكونوميكاسىنا 1،7 ملرد.اقش دوللار كولەمىندە ينۆەستيسيا تارتىلاتىن بولدى»، - دەدى ج.تۇيمەبايەۆ.
تۇركىستان وبلىسى اكىمدىگى، «Kazakh Invest» ۇلتتىق كومپانياسى جانە «Turkestan Invest» مەكەمەلەرى بىرلەسىپ جالپى قۇنى 615 ملن. اقش دوللارىن قۇرايتىن 13 ينۆەستيسيالىق جوبانى جۇزەگە اسىرۋدى قولعا الدى. بۇل جوسپار ءىس جۇزىندە ورىندالسا، وڭىردە 3 مىڭ جاڭا جۇمىس ورنى اشىلاتىن بولادى.
«ەڭبەك» باعدارلاماسى اياسىندا 65 مىڭ ادامدى جۇمىسپەن قامتۋ شارالارىنا قاتىستىرۋ جوسپارلانىپ، بۇگىندە ناقتى 58 700 ادام قامتىلدى. 7 953 ادام كاسىپتىك جانە تەحنيكالىق وقۋعا جولدانعان.
