«Jalpy, bıyl oblysqa 163,5 mlrd. teńge ınvestısıa baǵyttaldy. Óńirdiń ınvestısıalyq-týrıstik tartymdylyǵyn arttyrý maqsatynda aǵymdaǵy jyldyń 28 qyrkúıeginde Túrkistan qalasynda 1-shi «Kóne Túrkistan – Jańa múmkindikter» atty halyqaralyq ınvestısıalyq jáne týrısik forýmy ótti. Atalǵan forýmǵa 17 sheteldik jáne otandyq 500-ge jýyq kásipker qatysty. Nátıjesinde 17 kelisimge qol qoıylyp, oblys ekonomıkasyna 1,7 mlrd.AQSH dollar kóleminde ınvestısıa tartylatyn boldy», - dedi J.Túımebaev.
Túrkistan oblysy ákimdigi, «Kazakh Invest» Ulttyq kompanıasy jáne «Turkestan Invest» mekemeleri birlesip jalpy quny 615 mln. AQSH dollaryn quraıtyn 13 ınvestısıalyq jobany júzege asyrýdy qolǵa aldy. Bul jospar is júzinde oryndalsa, óńirde 3 myń jańa jumys orny ashylatyn bolady.
«Eńbek» baǵdarlamasy aıasynda 65 myń adamdy jumyspen qamtý sharalaryna qatystyrý josparlanyp, búginde naqty 58 700 adam qamtyldy. 7 953 adam kásiptik jáne tehnıkalyq oqýǵa joldanǵan.
