تۇركىستان وبلىسى اكىمدىگىنىڭ ۇيىمداستىرۋىمەن تۇركيادا «ىستامبۇل قالاسىنداعى تۇركىستان وبلىسىنىڭ كۇندەرى» شاراسى ءوتتى. جيىندا كاسىپكەرلەرگە، تۋريزم سالاسىنداعى مەملەكەتتىك ورگاندارعا جانە ب ا ق وكىلدەرىنە تۇركىستان وبلىسىنىڭ تۋريستىك الەۋەتى تانىستىرىلدى.

سونىمەن قاتار، تۋريستىك سالانى دامىتۋدىڭ وزەكتى ماسەلەلەرى بويىنشا پىكىرالماسۋ، تۋريستىك ونىمدەردى ازىرلەۋ جانە تاسىمالداۋ بويىنشا ءوزارا ءىس-قيمىلدىڭ ءتيىمدى تەتىگىن قالىپتاستىرۋ ءۇشىن B2B فورماتىنداعى كەزدەسۋلەر ۇيىمداستىرىلدى.

شارا قورتىندىسى بويىنشا ىنتىماقتاستىق تۋرالى مەموراندۋمدار ءتۇزىلدى. اتاپ ايتقاندا: تۇركىستان وبلىسىنىڭ تۋريزم باسقارماسى مەن «TESIAD» بۋرسا بيزنەسمەندەر قاۋىمداستىعى؛ «Turkistan Tourism Center» تۋريستىك اقپاراتتىق ورتالىعى مەن «POYD» قوناق ءۇي ديرەكتورلارى قوعامداستىعى؛ «Turkistan Tourism Center» تۋريستىك اقپاراتتىق ورتالىعى مەن «FCC Travels» تۋريستىك كومپانياسى جانە «Turkistan Tourism Center» تۋريستىك اقپاراتتىق ورتالىعى مەن «Vip Voyage» تۋريستىك اگەنتتىگىنىڭ ىستامبۇل قالاسىنداعى وكىلدىگى اراسىندا تۇركىستان وبلىسىنا 1000-نان استام تۋريستەردى تارتۋ بويىنشا كەلىسىمگە قول قويىلدى.

سونداي-اق، ءىس-شارا بارىسىندا تۇركىستان وبلىسى تۋريزم باسقارماسىنىڭ وكىلى مەن «Turkistan Tourism Center» تۋريستىك اقپاراتتىق ورتالىعىنىڭ باسشىسى ءاقتانالى يسمايل مەن تۇركىتىلدەس مەملەكەتتەر كەڭەسىنىڭ جوبا ديرەكتورى ەرسين ايدوگانمەن كەزدەسۋ ءوتتى.

كەزدەسۋ بارىسىندا ەكىجاقتى ىنتىماقتاستىقتى نىعايتۋ، تۋريزم سالاسىنداعى سەرىكتەستىك، تۇركىتىلدەس مەملەكەتتەر كەڭەسىنىڭ «زاماناۋي جىبەك جولى» ءبىرىڭعاي تۋريستىك مارشرۋتىن قالىپتاستىرۋ، قىزمەت كورسەتۋ ساپاسىن ارتتىرۋ ماسەلەلەرى تالقىلاندى. كەزدەسۋ ناتيجەسى بويىنشا تۇركىتىلدەس مەملەكەتتەر كەڭەسى تاراپىنان تۇركىستان وبلىسى تۋريستىك سالا وكىلدەرىن وقىتۋ بويىنشا قولداۋ كورسەتۋگە كەلىسىمگە كەلدى.

تۇركىستان وبلىسى وڭىرلىك كوممۋنيكاسيالار قىزمەتى