Sonymen qatar, týristik salany damytýdyń ózekti máseleleri boiynsha pikiralmasý, týristik ónimderdi ázirleý jáne tasymaldaý boiynsha ózara is-qimyldyń tiimdi tetigin qalyptastyrý úshin B2B formatyndaǵy kezdesýler uiymdastyryldy.
Sondai-aq, is-shara barysynda Túrkistan oblysy týrizm basqarmasynyń ókili men «Turkistan Tourism Center» týristik aqparattyq ortalyǵynyń basshysy Aqtanáli Ismail men túrkitildes memleketter Keńesiniń joba direktory Ersin Aidoganmen kezdesý ótti.
Kezdesý barysynda ekijaqty yntymaqtastyqty nyǵaitý, týrizm salasyndaǵy seriktestik, túrkitildes memleketter Keńesiniń «Zamanaýi Jibek joly» biryńǵai týristik marshrýtyn qalyptastyrý, qyzmet kórsetý sapasyn arttyrý máseleleri talqylandy. Kezdesý nátijesi boiynsha túrkitildes memleketter Keńesi tarapynan Túrkistan oblysy týristik sala ókilderin oqytý boiynsha qoldaý kórsetýge kelisimge keldi.
Túrkistan oblysy óńirlik kommýnikatsiialar qyzmeti
