مۇنداعى 110 مىڭ گەكتار القاپتا ەڭ تەتتٸ الما ٶسٸرٸلەدٸ. باۋ سالعان باعبانداردىڭ بيىلعى قول جەتكٸزگەن ٶنٸمٸ دە جامان ەمەس. 2,5 مىڭ توننادان اسىپ جىعىلادى.
الداعى مەجە – ٶنٸمدٸلٸك كٶلەمٸن 5 مىڭ تونناعا جەتكٸزۋ. مۇندا جەر ەمگەن ديقان الما مەن قارا ٶرٸكتٸڭ شەتەلدٸك سۇرپىن جەرسٸندٸرگەن. سەرٸكتەستٸك قۇرعان شارۋا ٶنٸمدٸ ساقتاۋ مەن تاسىمالداۋ جەنە ونى قايتا ٶڭدەۋمەن اينالىسادى.
بۇل سەرٸكتەستٸكتە المانىڭ 13 تٷرٸ بار.
«نەگٸزٸنەن باۋ-باقشادا 5 سۇرىپتاعى يتالييا, تٷركييا مەن گوللاندييانىڭ المالارىنا سۇرانىس جوعارى», – دەيدٸ سەرٸكتەستٸك باسشىسى ساپاربەك ەرجٸگٸتوۆ. مۇندا باۋ شارۋاشىلىعىن دامىتۋ ەرەكشە قولعا الىنعان. القاپقا المانى وتىرعىزۋدان باستاپ, ونىڭ ٶنٸمٸن جيناۋ, ساقتاۋ, جەتكٸزٸپ بەرۋ بارلىعى جولعا قويىلعان. 110 گەكتار القاپتىڭ دەنٸ – الما. ال 5 گەكتارعا قارا ٶرٸك ەگٸلگەن. ٶنٸمدٸ ۇزاق ۋاقىت ساقتاۋ ٷشٸن سىيىمدىلىعى 15 مىڭ توننالىق قويما جۇمىس ٸستەپ تۇر.
كومپانييا لوگيستيكا مەن تاسىمالداۋ مەسەلەسٸن دە رەتتەپ قويعان. 20 ارنايى كٶلٸگٸ بار. ٶنٸمدەر شىمكەنت, استانا مەن كٶرشٸ رەسەي بازارلارىندا ساۋدالانىپ جاتىر. ال قىركٷيەك ايىنان باستاپ كەسٸپورىن شىرىن مەن الما ەزبەسٸن شىعارۋدى قولعا العان. ٶنٸمدٸ ٶڭدەۋگە ارنالعان نەگٸزگٸ قۇرالداردى ساتىپ الۋ ٷشٸن سەرٸكتەستٸك «اگروبيزنەس ٶڭدەۋ» باعدارلاماسى ارقىلى جەڭٸلدەتٸلگەن نەسيە العان.
