Mundaǵy 110 myń gektar alqapta eń tátti alma ósiriledi. Baý salǵan baǵbandardyń bıylǵy qol jetkizgen ónimi de jaman emes. 2,5 myń tonnadan asyp jyǵylady.
Aldaǵy meje – ónimdilik kólemin 5 myń tonnaǵa jetkizý. Munda jer emgen dıqan alma men qara óriktiń sheteldik surpyn jersindirgen. Seriktestik qurǵan sharýa ónimdi saqtaý men tasymaldaý jáne ony qaıta óńdeýmen aınalysady.
Bul seriktestikte almanyń 13 túri bar.
«Negizinen baý-baqshada 5 suryptaǵy Italıa, Túrkıa men Golandıanyń almalaryna suranys joǵary», – deıdi seriktestik basshysy Saparbek Erjigitov. Munda baý sharýashylyǵyn damytý erekshe qolǵa alynǵan. Alqapqa almany otyrǵyzýdan bastap, onyń ónimin jınaý, saqtaý, jetkizip berý barlyǵy jolǵa qoıylǵan. 110 gektar alqaptyń deni – alma. Al 5 gektarǵa qara órik egilgen. Ónimdi uzaq ýaqyt saqtaý úshin syıymdylyǵy 15 myń tonnalyq qoıma jumys istep tur.
Kompanıa logıstıka men tasymaldaý máselesin de rettep qoıǵan. 20 arnaıy kóligi bar. Ónimder Shymkent, Astana men kórshi Reseı bazarlarynda saýdalanyp jatyr. Al qyrkúıek aıynan bastap kásiporyn shyryn men alma ezbesin shyǵarýdy qolǵa alǵan. Ónimdi óńdeýge arnalǵan negizgi quraldardy satyp alý úshin seriktestik «Agrobıznes óńdeý» baǵdarlamasy arqyly jeńildetilgen nesıe alǵan.
