بۇل ءوڭىر حالقىنىڭ 98 پايىزىن قۇرايدى. سونداي-اق، وبلىستاعى بارلىق مەديسينا قىزمەتكەرى اقپاراتتىق جۇيە بويىنشا وقىتىلىپ، 290 668 ازامات موبيلدىك قوسىمشانى پايدالانعان.
بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە دەنساۋلىق ساقتاۋ باسقارماسىنىڭ باسشىسى مۇقان ەگىزبايەۆ مالىمدەدى.
سونىمەن قاتار، ەلەكتروندىق مەديسينالىق جازۋلار سانى 1 701 891-گە جەتىپ، ەڭبەككە جارامسىزدىق پاراعى ەلەكتروندىق نۇسقادا 52 563 ادامعا بەرىلگەن. اۋداندىق، قالالىق ەمحانالاردا 20 سيفرلىق كومەك پوستتارى اشىلىپ، وندا 408 201 ادام وقىتىلدى. باسقارما باسشىسىنىڭ ايتۋىنشا، وبلىستاعى مەديسينا ۇيىمدارىنىڭ جابدىقتالۋى 65 پايىزدان اسقان.
«اعىمداعى جىلى مەديسينالىق ۇيىمداردىڭ ماتەريالدىق-تەحنيكالىق جابدىقتالۋىنا 8،1 ملرد. تەڭگە ءبولىنىپ، وتكەن جىلمەن سالىستىرعاندا 1،5 ەسەگە ارتىپ وتىر. ءبىرىنشى كەزەكتە انا مەن بالا، جانساقتاۋ، وتا جاساۋ، جەدەل جاردەم قىزمەتىن كۇشەيتۋگە جانە «سيفرلىق قازاقستان» باعدارلاماسىن ىسكە اسىرۋعا باسىمدىق بەرىلىپ وتىر. بۇدان وزگە، تۇركىستان قالالىق ەمحانانىڭ جانە تۇركىستان قالاسىنداعى 610 توسەك ورىنعا ارنالعان وبلىستىق كوپسالالى اۋرۋحانانىڭ، سونداي-اق وبلىستىق تۋبەركۋلەزگە قارسى جانە ونكولوگيالىق ورتالىقتاردىڭ قۇرىلىسىن جۇرگىزۋ، تۇركىستان قالاسىندا وبلىستىق جەدەل جاردەم ستانسىسىن جاڭعىرتۋ جانە پايدالانۋ جوبالارى جوسپارلانۋدا»، – دەدى مۇقان كەڭەسبەك ۇلى.
ونىڭ مالىمدەۋىنشە، 2018 جىلى وبلىستا 15 اۋىلدىق ەمحانا مەن 5 دارىگەرلىك امبۋلاتوريا 20 باستاپقى مەديسينالىق-سانيتاريالىق كومەك (بمسك) بولىپ قايتا قۇرىلعان. سونىمەن قاتار، كەنتاۋ، سايرام، سارىاعاش اۋداندارىندا 3 ينسۋلتتىك ورتالىق اشىلىپ، وبلىستىق بيۋدجەت ەسەبىنەن 3 دانا كومپيۋتەرلىك توموگراف ساتىپ الىندى.
