Bul óńir halqynyń 98 paıyzyn quraıdy. Sondaı-aq, oblystaǵy barlyq medısına qyzmetkeri aqparattyq júıe boıynsha oqytylyp, 290 668 azamat mobıldik qosymshany paıdalanǵan.
Bul týraly Túrkistan oblysynyń Óńirlik komýnıkasıalar qyzmetinde ótken brıfıńte Densaýlyq saqtaý basqarmasynyń basshysy Muqan Egizbaev málimdedi.
Sonymen qatar, elektrondyq medısınalyq jazýlar sany 1 701 891-ge jetip, eńbekke jaramsyzdyq paraǵy elektrondyq nusqada 52 563 adamǵa berilgen. Aýdandyq, qalalyq emhanalarda 20 sıfrlyq kómek posttary ashylyp, onda 408 201 adam oqytyldy. Basqarma basshysynyń aıtýynsha, oblystaǵy medısına uıymdarynyń jabdyqtalýy 65 paıyzdan asqan.
«Aǵymdaǵy jyly medısınalyq uıymdardyń materıaldyq-tehnıkalyq jabdyqtalýyna 8,1 mlrd. teńge bólinip, ótken jylmen salystyrǵanda 1,5 esege artyp otyr. Birinshi kezekte ana men bala, jansaqtaý, ota jasaý, jedel járdem qyzmetin kúsheıtýge jáne «Sıfrlyq Qazaqstan» baǵdarlamasyn iske asyrýǵa basymdyq berilip otyr. Budan ózge, Túrkistan qalalyq emhananyń jáne Túrkistan qalasyndaǵy 610 tósek orynǵa arnalǵan oblystyq kópsalaly aýrýhananyń, sondaı-aq oblystyq týberkýlezge qarsy jáne onkologıalyq ortalyqtardyń qurylysyn júrgizý, Túrkistan qalasynda oblystyq jedel járdem stansysyn jańǵyrtý jáne paıdalaný jobalary josparlanýda», – dedi Muqan Keńesbekuly.
Onyń málimdeýinshe, 2018 jyly oblysta 15 aýyldyq emhana men 5 dárigerlik ambýlatorıa 20 Bastapqy medısınalyq-sanıtarıalyq kómek (BMSK) bolyp qaıta qurylǵan. Sonymen qatar, Kentaý, Saıram, Saryaǵash aýdandarynda 3 ınsýlttik ortalyq ashylyp, oblystyq búdjet esebinen 3 dana kompúterlik tomograf satyp alyndy.
