بۇل تۋرالى جىل باسىنان بەرى اتقارىلعان اۋقىمدى شارالار مەن الداعى جوسپارلاردى جۋرناليستەرگە ايتىپ بەرگەن تۇركىستان وبلىستىق دەنساۋلىق ساقتاۋ باسقارماسىنىڭ باسشىسى مۇقان ەگىزبايەۆ مالىمدەدى.
وتكەن ون ايدى قورىتىپ ەسەپ بەرگەن سالا باسشىسى ءا دەگەننەن وڭىردە ءولىم-جىتىمنىڭ ازايعانىن ايتىپ، قۋانتتى. جىل باسىنان بەرى تۋبەركۋلەزدەن، قان اينالىم جۇيەسىنەن، قاتەرلى ىسىكتەن قايتىس بولعاندار كەمىپتى. كەلەر جىلدان باستاپ تۇركىستان قالاسىنان مەديسينالىق نىسانداردىڭ بوي كوتەرەتىنىن ەسكەرسەك، اق حالاتتىلاردىڭ مۇمكىندىگى ءتىپتى ارتا تۇسپەك.
الداعى جىلى جاڭا وبلىس ورتالىعىندا 190 ورىندىق كوپ سالالى كلينيكالىق اۋرۋحانا مەن ونكولوگيالىق ورتالىق، تۋبەركۋلەزگە قارسى ديسپانسەر مەن قان ورتالىعى سالىنادى. قۇرىلىستاردىڭ بارلىعى دا مەملەكەتتىك-جەكەمەنشىك ارىپتەستىك اياسىندا قولعا الىنباق.
«ءقازىر ونكولوگيالىق ورتالىق قۇرىلىسىنىڭ جوبالاۋ-سمەتالىق جۇمىستارى ءجۇرىپ جاتىر. كەلەسى جىلى اۋرۋحانانىڭ، ديسپانسەردىڭ، قان ورتالىعىنىڭ سمەتاسى جاسالادى. جەدەل-جاردەم ستانساسى سالىنادى. تۇركىستاندا ەمحانا دا جەتىسپەيدى. كەلەر جىلى جاڭا زاماناۋي تالاپقا ساي ەمحانا سالامىز. 500 مىڭداي حالقى بار تۇركىستانعا قازىرگى ەمحانا ازدىق ەتەدى»، – دەدى مۇقان ەگىزبيەۆ.
وڭىردە تەك مەديسينالىق ۇيىمدار عانا ەمەس، مامان دا تاپشى. بۇگىندە تۇركىستان وبلىسىندا 135 دارىگەر جەتىسپەيدى ەكەن. «بۇل ماسەلە اسىرەسە اۋىلدىق ەلدى مەكەندەردە وزەكتى» دەيدى وبلىستىڭ باس دارىگەرى.
مۇقان ەگىزبيەۆ، تۇركىستان وبلىستىق دەنساۋلىق ساقتاۋ باسقارماسىنىڭ باسشىسى: «كوبىنە بەلگىلى ءبىر سالانىڭ ماماندارى جەتىسپەيدى. رەانيماتولوگتار از بىزدە. سەبەبى، ولار 9 جىل وقۋى ءتيىس. 7 جىل وقىپ كەلگەن مامان مەن ونىڭ جالاقىسىندا ەشقانداي ايىرماشىلىق جوق. سوندىقتان كوبىنە جاستار بۇل سالاعا كەلە بەرمەيدى. ءقازىر ءبىز مينيسترلىككە بۇل مامانداردى 3 اي ىشىندە وقىتىپ شىعارۋ ءۇشىن ۇسىنىس بەرىپ جاتىرمىز».
سالا باسشىسى ءقازىر مەديسينالىق ۇيىمداردىڭ قاعازسىز جۇمىس ىستەۋگە تاس ءتۇيىن دايىن دەپ سەندىردى. سيفرلىق تەحنولوگيانى ءتيىمدى پايدالانىپ وتىرعان اق حالاتتىلار الداعى ۋاقىتتا ناۋقاستاردان ءبىر دە ءبىر قۇجات سۇرامايدى دەپ سەندىردى ءوڭىردىڭ باس دارىگەرى. ايتۋىنشا، ءقازىردىڭ وزىندە 1 ملن. 700 مىڭ ادامعا ەلەكتروندى كارتا دايىندالىپ جاتىر ەكەن
