الەۋمەتتىك جەلى قولدانۋشىلارى اراسىنداعى جازبالار بويىنشا ۇزدىكتەردىڭ قاتارىندا اعا بۋىننىڭ ءباسى بيىك بولدى.
قازىلار القاسىنىڭ شەشىمىمەن جۋرناليست-بلوگەر تولەگەن احمەتوۆ I ورىنعا، تۇركىستان قالالىق گازەتى باس رەداكتورىنىڭ ورىنباسارى ءلاززات سارىبايەۆا II ورىنعا يە بولدى. ال، ق ر جۋرناليستەر وداعىنىڭ مۇشەسى نەسىبەلى يمانقۇلوۆا III ورىنعا لايىقتى دەپ تانىلدى.
ەل تاۋەلسىزدىگىنىڭ 30 جىلدىعى اياسىندا وبلىستىق «قوعامدىق كەلىسىم» كمم ۇيىمداستىرعان سايىستا «جاس قالامگەر» نوميناسياسى بويىنشا وقۋشىلار سارايى جاس تىلشىلەر ۇيىرمەسىنىڭ شاكىرتتەرىنە ىنتالاندىرۋ سىيلىعى بۇيىردى.
– ەل اراسىنداعى تولەرانتتىلىقتى جەتىلدىرۋ ارقىلى ەتنوسارالىق تاتۋلىق پەن بىرلىكتىڭ نىعايۋىنا اتسالىسىپ، ءوز كوزقاراستارىن الەۋمەتتىك جەلىلەردە جاريالاۋدا بەلسەندىلىك تانىتقان ازاماتتارعا العىسىمىزدى بىلدىرەمىز. بارلىعىڭىزدى الداعى كەلە جاتقان كاسىبي مەرەكەلەرىڭىزبەن قۇتتىقتامىن، – دەدى وبلىستىق قوعامدىق دامۋ باسقارماسىنىڭ قازاقستان حالقى اسسامبلەياسىنىڭ حاتشىلىعى-ەتنوسارالىق قاتىناستار ءبولىمى باسشىسىنىڭ م.ا. مادينا كامەدەنوۆا.
جيىن سوڭىندا ءسوز العان قازاقستان حالقى اسسامبلەياسى جانىنداعى جۋرناليستەر مەن بلوگەرلەر كلۋبىنىڭ ءتوراعاسى ەرسۇلتان امىربەكتىڭ ايتۋىنشا، بايقاۋدا كوپتەگەن جۋرناليستەر مەن بلوگەرلەر ب ا ق سىناعان. ولاردىڭ شىعارمالارى «شاڭىراق جۋرناليستەر كلۋبىنىڭ» الەۋمەتتىك جەلى پاراقشاسىندا جاريالانعان. سايىس ناتيجەسىندە بارلىق جۇلدەگەرلەرگە العىس حاتتار مەن ارنايى سىيلىقتار تابىستالدى.
