Túrkistanda tatýlyqty dáriptegen «Shańyraq» baiqaýynyń jeńimpazdary anyqtaldy
Áleýmettik jeli qoldanýshylary arasyndaǵy jazbalar boiynsha úzdikterdiń qatarynda aǵa býynnyń bási biik boldy.
Qazylar alqasynyń sheshimimen jýrnalist-bloger Tólegen Ahmetov I orynǵa, Túrkistan qalalyq gazeti bas redaktorynyń orynbasary Lázzat Sarybaeva II orynǵa ie boldy. Al, QR Jýrnalister Odaǵynyń múshesi Nesibeli Imanqulova III orynǵa laiyqty dep tanyldy.
El Táýelsizdiginiń 30 jyldyǵy aiasynda oblystyq «Qoǵamdyq kelisim» KMM uiymdastyrǵan saiysta «Jas qalamger» nominatsiiasy boiynsha Oqýshylar saraiy jas tilshiler úiirmesiniń shákirtterine yntalandyrý syilyǵy buiyrdy.
– El arasyndaǵy toleranttylyqty jetildirý arqyly etnosaralyq tatýlyq pen birliktiń nyǵaiýyna atsalysyp, óz kózqarastaryn áleýmettik jelilerde jariialaýda belsendilik tanytqan azamattarǵa alǵysymyzdy bildiremiz. Barlyǵyńyzdy aldaǵy kele jatqan kásibi merekelerińizben quttyqtamyn, – dedi oblystyq qoǵamdyq damý basqarmasynyń Qazaqstan Halqy Assambleiasynyń hatshylyǵy-etnosaralyq qatynastar bólimi basshysynyń m.a. Madina Kamedenova.
Jiyn sońynda sóz alǵan Qazaqstan Halqy Assambleiasy janyndaǵy jýrnalister men blogerler klýbynyń tóraǵasy Ersultan Ámirbektiń aitýynsha, baiqaýda kóptegen jýrnalister men blogerler baq synaǵan. Olardyń shyǵarmalary «Shańyraq jýrnalister klýbynyń» áleýmettik jeli paraqshasynda jariialanǵan. Saiys nátijesinde barlyq júldegerlerge alǵys hattar men arnaiy syilyqtar tabystaldy.
