ۇلتتىق كودتى جاڭعىرتۋ ماقساتىندا ٶتكٸزٸلەتٸن شارا اياسىندا ۇلتتىق ات سپورت ويىندارى: تەڭگە الۋ, اۋدارىسپاق, قىز قۋۋ, جامبى اتۋ, سەيگٷلٸكتەر شەرۋٸ, سونداي-اق ات ەبزەلدەرٸ, اتتىلى جاۋىنگەرلەردٸڭ كيٸمٸ مەن قارۋ-جاراقتارىنا ارنالعان كٶرمەلەر, جىلقى مالىنا بايلانىستى جىر مٷشەيراسى, جىرشىلار مەن تەرمەشٸلەر بايقاۋى ٶتەدٸ دەپ جوسپارلانۋدا.
سونىمەن قاتار, «شىعىس بازارى» اتتى فەستيۆال ٶتكٸزۋ جوسپارعا قويىلعان. ونداعى ماقسات قولا, مىس, تەمٸر, كٷمٸس, التىننان جاسالعان ەشەكەي بۇيىمدار, تۇرمىستىق زاتتار مەن قارۋ-جاراقتاردىڭ جەرمەڭكەسٸ ٶتكٸزۋ ارقىلى قازاق جەرٸ – مەتاللۋرگييا پايدا بولعان العاشقى ورتالىقتىڭ بٸرٸ ەكەنٸن پاش ەتۋ.
ودان بٶلەك, ق.ا.ياساۋيدٸڭ تاريحي بولمىسىن جاھانعا ٶز دەڭگەيٸندە تولىق تانىتىپ, ناسيحاتتاۋ ماقساتىندا بٸرقاتار شارۋالار اتقارىلماق.
اتاپ ايتقاندا, ەلباسى تاپسىرماسى بويىنشا, جاڭا تٷركٸستاندا ياساۋي مۋزەيٸ سالىنباق. بۇل مۇراجايدا عۇلاما مەن ونىڭ شەت مەملەكەتتەردەگٸ شەكٸرتتەرٸنٸڭ ەڭبەكتەرٸ قويىلادى.
ياعني, ياساۋي فەنومەنٸن جوعارىلاتىپ, اتىن اسقاقتاتۋ ارقىلى عىلىمدى عانا ەمەس, تۋريزمدٸ دە دامىتۋ مٷمكٸندٸگٸ اشىلا تٷسەدٸ. سونداي-اق, تٷركٸستان قالاسىندا ەلەمنٸڭ تٷكپٸر-تٷكپٸرٸندە ياساۋي بابانىڭ عىلىمي مۇراسىن زەرتتەپ جٷرگەن ياساۋيتانۋشىلاردىڭ باسىن قوسىپ, حالىقارالىق كونفەرەنتسييا ٶتكٸزۋ مەجەلەنگەن. ياساۋي مۇرالارى كەشەندٸ تٷردە زەرتتەلٸپ, دەرەكتٸ جەنە كٶركەم فيلمدەر تٷسٸرٸلەدٸ.
اتقارىلعان جۇمىستار مەن جوسپارعا قانىققان ەسەت ٶرەنتايۇلى شارۋانى شيراتا تٷسٸپ, كەستەگە ساي جۇمىس ٸستەۋدٸ تاپسىردى.
