تٷركٸستاندا ورتا ازيياداعى ەڭ ٷلكەن ساۋدا كەشەنٸ اشىلادى
تٷركٸستان قالاسىندا كەلەر جىلدىڭ قاڭتار ايىندا تۇتىنۋشىلار مەن تاۋار ٶندٸرۋشٸلەردٸ تٸكەلەي بايلانىستىراتىن «Grand Bazar Yassy & EcoBazar» ساۋدا ورتالىعى اشىلادى. ساۋدا نىسانىنىڭ باستى ەرەكشەلٸگٸ - جەرگٸلٸكتٸ تۇرعىندار مەن كەلۋشٸلەرگە كەز كەلگەن تاۋاردى ەشقانداي دەلدالسىز كٶتەرمە باعادا ۇسىناتىن بولادى. بۇل تۋرالى بٷگٸنگٸ بريفينگتە كەشەننٸڭ باس ديرەكتورى باقنۇر ايۋبەك مەلٸمدەدٸ.
«بٷگٸندە ديقاندار ٶز ٶنٸمدەرٸن الىپ-ساتارلارعا تىم ارزان باعامەن ٶتكٸزۋدە. ال, اراداعى الىپ-ساتۋشىلار ٶزارا كەلٸسكەن تٷردە ازىق-تٷلٸك باعاسىن جاساندى كٶتەرٸپ جاتادى. باعانى تۇراقتاندىرۋ ٷشٸن - ٶندٸرۋشٸنٸڭ ٶنٸمدٸ حالىققا تٸكەلەي ۇسىنۋىنا قولايلى جاعدايلار جاساۋ قاجەت. تٷركٸستان قالاسىندا وسىنداي اۋقىمدى جوبانىڭ ٸسكە قوسىلۋى - باعانى تۇراقتاندىرۋعا جەنە ازىق-تٷلٸك قاۋٸپسٸزدٸگٸن قامتاماسىز ەتۋگە ٷلەسٸن قوسادى» - دەيدٸ كەشەننٸڭ باس ديرەكتورى.
ساۋدا كەشەنٸنٸڭ جالپى اۋماعى - 14 گەكتار. وندا 3000-عا جۋىق ساۋدا ورىندارى بار. بازار ايماعىندا تاۋار ساقتاۋعا ارنالعان 300 ميكروكليماتتىق قويمالار قاراستىرىلعان. سونداي-اق, قوناق ٷي, دەمالىس ورىندارى, ويىن-ساۋىق كەشەندەرٸ مەن فۋدكورت بار. ايتا كەتەرلٸگٸ, كەشەندە حالىققا تيٸمدٸ باعادا ازىق-تٷلٸك ۇسىنۋدى قامتاماسىز ەتۋ ٷشٸن اۋىل شارۋاشىلىعى تاۋار ٶندٸرۋشٸلەرٸنە وبلىس ەكٸمدٸگٸ مەن «تٷركٸستان» ەكك اق ۇيىمداستىرۋىمەن 2-3% جەڭٸلدەتٸلگەن نەسيە بەرٸلەتٸن بولادى.
بۇدان بٶلەك, ورتالىق جانىنداعى اۆتوۆوكزالدان تاشكەنت, سامارقان, بٸشكەك, حيۋا جەنە ٶزگە دە حالىقارالىق جەنە رەسپۋبليكاٸشٸلٸك باعىتتارعا قوعامدىق كٶلٸكتەر قاتىنايدى.
