تۇركىستان قالاسى بۇگىندە قايتا جاڭارىپ، كوپتىڭ قىزىعۋشىلىعىن تۋدىرۋدا. قۇرىلىس باستاۋعا نيەتتى ينۆەستورلار سانى ارتىپ كەلەدى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ
ءار عيمارات ساۋلەتشىلەردىڭ ماقۇلداۋىنان كەيىن عانا سالىنۋى ءتيىس. بۇل ماسەلەنى وبلىس اكىمى دارحان ساتىبالدى باقىلاۋدا ۇستاپ وتىر. ساۋلەتتىك جوبالار تالقىلانعان ماجىلىستە جاڭا جوبالار تانىستىرىلدى.
– جاڭا جوبالاردى جۇزەگە اسىرۋ باستامالارىن قولدايمىز. تۇركىستان قالاسىندا سالىناتىن جاڭا عيماراتتاردان شىعىس جانە ۇلتتىق ساۋلەت ناقىشتارى كورىنىس تابۋى كەرەك. سونداي-اق قۇرىلىس باستايتىن ينۆەستورلار ارنايى جۇمىس جوسپارىن بەكىتىپ، ۋاقىتىندا اياقتاۋى قاجەت. كوتەرىلىپ وتىرعان ماسەلەلەر بويىنشا ناقتى ۇسىنىستار بەرىڭىزدەر، – دەگەن دارحان ساتىبالدى جاۋاپتى باسقارما باسشىلارىنا تاپسىرمالار بەردى.
ماجىلىستە ءبىرقاتار جاڭا جوبالار ۇسىنىلدى. اتاپ ايتساق، اكىمشىلىك-ىسكەرلىك ورتالىعىندا بيزنەس ورتالىقتارى، الەۋمەتتىك نىساندار سالۋ تۋرالى ۇسىنىس بەرىلىپ، عيماراتتارىنىڭ ۇلگىلەرى كورسەتىلدى. سونىمەن بىرگە جاڭا قالا اۋماعىندا تۇرعىن ءۇي سالۋ جونىندە دە ۇسىنىستار قارالدى. مادەني-رۋحاني ورتالىعىندا ورنالاسقان ونەر مۇراجايى مەن قولونەرشىلەر ورتالىعى، «دوستىق ءۇيىنىڭ» ىشكى كورىنىسىنىڭ جوباسى دا تالقىلاندى. توزىعى جەتكەن عيماراتتاردى قايتا قالپىنا كەلتىرۋ كەزىندە، سونىمەن قاتار الداعى ۋاقىتتا سالىناتىن نىسانداردىڭ قاسبەتتەرى مەن قورشاۋلارىنا جانە بوياۋ تۇسىنە باسا ءمان بەرۋدى، ءبىرىزدى ەتۋدە تاپسىردى.
