Túrkistan qalasy búginde qaita jańaryp, kóptiń qyzyǵýshylyǵyn týdyrýda. Qurylys bastaýǵa nietti investorlar sany artyp keledi, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap
Ár ǵimarat sáýletshilerdiń maquldaýynan keiin ǵana salynýy tiis. Bul máseleni oblys ákimi Darhan Satybaldy baqylaýda ustap otyr. Sáýlettik jobalar talqylanǵan májiliste jańa jobalar tanystyryldy.
– Jańa jobalardy júzege asyrý bastamalaryn qoldaimyz. Túrkistan qalasynda salynatyn jańa ǵimarattardan shyǵys jáne ulttyq sáýlet naqyshtary kórinis tabýy kerek. Sondai-aq qurylys bastaityn investorlar arnaiy jumys josparyn bekitip, ýaqytynda aiaqtaýy qajet. Kóterilip otyrǵan máseleler boiynsha naqty usynystar berińizder, – degen Darhan Satybaldy jaýapty basqarma basshylaryna tapsyrmalar berdi.
Májiliste birqatar jańa jobalar usynyldy. Atap aitsaq, Ákimshilik-iskerlik ortalyǵynda biznes ortalyqtary, áleýmettik nysandar salý týraly usynys berilip, ǵimarattarynyń úlgileri kórsetildi. Sonymen birge Jańa qala aýmaǵynda turǵyn úi salý jóninde de usynystar qaraldy. Mádeni-rýhani ortalyǵynda ornalasqan Óner murajaiy men Qolónershiler ortalyǵy, «Dostyq úiiniń» ishki kórinisiniń jobasy da talqylandy. Tozyǵy jetken ǵimarattardy qaita qalpyna keltirý kezinde, sonymen qatar aldaǵy ýaqytta salynatyn nysandardyń qasbetteri men qorshaýlaryna jáne boiaý túsine basa mán berýdi, birizdi etýde tapsyrdy.
