Qazaqstanda áskeri qyzmetshilerdiń quqyqtaryn qorǵaýdy kúsheitý maqsatynda tsifrlyq shaǵym berý júiesi iske qosyldy, dep habarlaidy dalanews.kz.
Jańa júie áskeri qyzmetshilerdiń quqyqtyq qorǵalý deńgeiin arttyrýǵa, quqyq buzýshylyqtardyń aldyn alýǵa jáne áskeri ujymdarda «Zań jáne tártip» qaǵidatyn nyǵaitýǵa baǵyttalǵan.
Tsifrlyq servis arqyly áskeri qyzmetshiler kúsh qoldaný, zańsyz aqsha jinaý, psihologiialyq qysym kórsetý jáne ózge de quqyqqa qaishy áreketter týraly jedel habarlai alady.
Ótinishterge jedel den qoiý úshin Qarýly kúshterdiń Bas áskeri politsiia basqarmasynda biryńǵai Call-ortalyq – «Jedel jeli» jumys isteidi. Kelip túsken árbir habarlama belgilengen tártippen qaralyp, tiisti sharalar qabyldanady.
«Profilaktikanyń tsifrlyq quraldaryn engizý áskeri tártipti nyǵaitýǵa, quqyq buzýshylyqtardyń aldyn alýǵa jáne áskeri qyzmetti qaýipsiz jaǵdaida ótkerýge yqpal etedi», – dedi QR Qarýly kúshteri Bas áskeri politsiia basqarmasy profilaktika basqarmasynyń bastyǵy, podpolkovnik Ádilhan Qaliev.
Onyń aitýynsha, áskeri qyzmetshiler zań buzýshylyqtarǵa beijai qaramai, quqyqqa qaishy áreketter týraly ýákiletti organdarǵa der kezinde habarlaýy qajet.
«Ótinishterge jedel áreket etý quqyq buzýshylyqtardyń bastapqy kezeńde jolyn kesýge jáne áskeri ujymdarda zań talaptarynyń múltiksiz saqtalýyn qamtamasyz etýge múmkindik beredi», – dedi Ádilhan Qaliev.
