Qazaqstanda kene maýsymy bastalǵaly beri 13 myńnan asa adam meditsina qyzmetkerlerine júgingen, dep habarlaidy dalanews.kz.
Densaýlyq saqtaý ministrligi málimetinshe, olardyń 90 paiyzdan astamyna kene entsefalitiniń aldyn alý úshin shuǵyl profilaktikalyq kómek kórsetilgen.
Vedomstvo dereginshe, elimizdiń endemiialyq óńirlerindegi meditsinalyq uiymdar tolyq daiyndyqqa keltirilgen. Bul aimaqtarda kenege qarsy óńdeý jumystary júrgizilip, qaýip tobyna kiretin azamattardy vaktsinatsiialaý jalǵasyp jatyr.
Kene entsefaliti jii kezdesetin óńirler qataryna Almaty qalasy, Almaty, Shyǵys Qazaqstan jáne Jetisý oblystary, Abai oblysynyń Kókpekti aýdany, Aqmola oblysynyń Sandyqtaý aýdany, Soltústik Qazaqstan oblysynyń Aiyrtaý aýdany kiredi.
Ministrlik málimetinshe, elimizde jyl saiyn kene entsefalitiniń 24-ten 48-ge deiingi jaǵdaiy tirkeledi. Biyldyń ózinde 24 jaǵdai anyqtalǵan.
