قازاقستان پرەمەر-مينيسترٸ ولجاس بەكتەنوۆ سانكت-پەتەربۋرگتە ٶتكەن مەدەني بايلانىستاردى نىعايتۋ جەنە كرەاتيۆتٸ يندۋسترييالاردى دامىتۋ جٶنٸندەگٸ حالىقارالىق كونفەرەنتسييانىڭ پلەنارلىق وتىرىسىندا سٶز سٶيلەپ, تمد ەلدەرٸ اراسىنداعى شىعارماشىلىق ىنتىماقتاستىقتى كەڭەيتۋگە شاقىردى, دەپ حابارلايدى Dala News.
ٸس-شاراعا رەسەي ٷكٸمەتٸنٸڭ تٶراعاسى ميحايل ميشۋستين, بەلارۋس پرەمەر-مينيسترٸ الەكساندر تۋرچين, قىرعىزستان مينيسترلەر كابينەتٸنٸڭ تٶراعاسى ادىلبەك قاسىماليەۆ, تەجٸكستان پرەمەر-مينيسترٸ كوحير راسۋلزودا, ٶزبەكستان پرەمەر-مينيسترٸ ابدۋللا اريپوۆ جەنە تٷرٸكمەنستاننىڭ بٸلٸم مينيسترٸ دجۋمامىرات گۋربانگەلديەۆ قاتىستى.
ولجاس بەكتەنوۆ كرەاتيۆتٸ يندۋسترييالار مەن مەدەني بايلانىستار سالاسىنداعى ىنتىماقتاستىق تمد كەڭٸستٸگٸندەگٸ ەڭ ٶزەكتٸ باعىتتاردىڭ بٸرٸ بولىپ قالا بەرەتٸنٸن ايتتى.
«بيىل ناۋرىز ايىندا قازاقستاندا ٶتكەن جالپىۇلتتىق رەفەرەندۋم قورىتىندىسى بويىنشا جاڭا كونستيتۋتسييا قابىلداندى, ول 1 شٸلدەدەن باستاپ كٷشٸنە ەنەدٸ. جاڭا اتا زاڭىمىز مەملەكەتتٸلٸكتٸ نىعايتۋعا, «زاڭ مەن تەرتٸپ» قاعيداتى نەگٸزٸندە ەدٸلەتتٸ جەنە وزىق قازاقستاندى قۇرۋعا باعىتتالعان. ۇلى دالانىڭ مىڭداعان جىلدىق تاريحىنىڭ ساباقتاستىعى العاش رەت كونستيتۋتسييالىق دەڭگەيدە بەكٸتٸلگەنٸن اتاپ ٶتكٸم كەلەدٸ.
مامىر ايىندا استانادا ٶتكەن «التىن وردا» دالا ٶركەنيەتٸنٸڭ مودەلٸن زەرتتەۋگە ارنالعان حالىقارالىق سيمپوزيۋم ماڭىزدى وقيعا بولدى, وعان ەلەمنٸڭ 20-دان استام ەلٸنٸڭ تاريحشىلارى مەن مەدەنيەتتانۋشىلارى قاتىستى.
ودان بٶلەك جاڭا كونستيتۋتسييادا زيياتكەرلٸك جەنە شىعارماشىلىق قىزمەتتٸ قورعاۋعا كەپٸلدٸك بەرٸلگەن. وسى نەگٸزدە قازاقستاندا كرەاتيۆتٸ يندۋسترييا قارقىندى دامىپ كەلەدٸ. جاڭا نارىقتار, جاڭا جۇمىس ورىندارى قالىپتاسىپ, ۇلتتىق كرەاتيۆتٸ ٶنٸمدٸ ەكسپورتتاۋ مٷمكٸندٸكتەرٸ كەڭەيتٸلۋدە», — دەدٸ ولجاس بەكتەنوۆ.
پرەمەر-مينيستردٸڭ ايتۋىنشا, قازاقستاندا كرەاتيۆتٸ يندۋسترييا 40-تان استام قىزمەت تٷرٸن قامتيدى, بۇل سالادا 150 مىڭ ادام ەڭبەك ەتەدٸ, ال جالپى قوسىلعان قۇن كٶلەمٸ سوڭعى جىلدارى تٶرتتەن بٸرٸنە ارتىپ, $3 ملرد-قا جەتكەن.
ول وتاندىق كينو, مۋزىكا, ديزاين, ويىن يندۋستريياسى مەن تسيفرلىق كونتەنت حالىقارالىق نارىققا شىعىپ جاتقانىن اتاپ ٶتتٸ.
«بۇل تۇرعىدا قاسىم-جومارت كەمەلۇلى توقاەۆتىڭ تەۋەلسٸز مەملەكەتتەر دوستاستىعىنا قاتىسۋشى ەلدەردٸڭ كرەاتيۆتٸ يندۋسترييالار قاۋىمداستىعىن قۇرۋ جٶنٸندەگٸ باستاماسى ەرەكشە ماڭىزعا يە. بۇل فورمات بٸرلەسكەن جوبالاردى جٷزەگە اسىرۋ, تەجٸريبە الماسۋ جەنە كرەاتيۆتٸ ٶنٸمدەردٸ ٸلگەرٸلەتۋ ٷشٸن جاعداي جاساۋعا باعىتتالعان», — دەپ اتاپ ٶتتٸ قر پرەمەر-مينيسترٸ ولجاس بەكتەنوۆ.
ٷكٸمەت باسشىسى 2026 جىلدىڭ قازاقستاندا تسيفرلاندىرۋ جەنە جاساندى ينتەللەكت جىلى بولىپ جارييالانعانىن ەسكە سالدى.
ول جاساندى ينتەللەكت شىعارماشىلىق يندۋسترييالارعا جاڭا مٷمكٸندٸكتەر اشىپ جاتقانىن ايتىپ, AI-تەحنولوگييالار ارقىلى بەينە گەنەراتسييالاۋ سالاسىنداعى ەلەمدٸك كٶشباسشىلاردىڭ بٸرٸ سانالاتىن قازاقستاندىق Higgsfield كومپانيياسىن مىسالعا كەلتٸردٸ.
بەكتەنوۆ سونداي-اق قازاقستاندا مەدەني مۇرانى تسيفرلاندىرۋ باعىتىندا جٷرگٸزٸلٸپ جاتقان جۇمىستارعا توقتالدى. ونىڭ ايتۋىنشا, قوجا احمەت ياساۋي كەسەنەسٸ, تامعالى پەتروگليفتەرٸ مەن ماڭعىستاۋداعى جەراستى مەشٸتتەرٸ سيياقتى تاريحي ەسكەرتكٸشتەردٸ تسيفرلىق فورماتتا ساقتاۋعا مٷمكٸندٸك بەرەتٸن ارنايى پلاتفورما ٸسكە قوسىلعان.
سونىمەن قاتار E-Museum جٷيەسٸنە 300 مۋزەي قوسىلىپ, ونداعان مىڭ ەكسپوناتتىڭ تسيفرلىق كاتالوگى جاسالعان. ال «قازاق كينوسىنىڭ التىن قورىن» قالپىنا كەلتٸرۋ اياسىندا ٶتكەن عاسىردا تٷسٸرٸلگەن 43 فيلم تسيفرلىق فورماتقا كٶشٸرٸلگەن.
پرەمەر-مينيستر تسيفرلاندىرۋ مەدەنيەت پەن شىعارماشىلىق سالاسىن دامىتۋدىڭ جاڭا مٷمكٸندٸكتەرٸن اشىپ, ونى زاماناۋي ەكونوميكانىڭ اجىراماس بٶلٸگٸنە اينالدىرىپ وتىرعانىن اتاپ ٶتتٸ.
