مۇنداعى ەرەكشەلٸك, ٶندٸرٸس كەزەڭٸندە جىلدامدىققا باسا نازار اۋدارىلاتىن كٶرٸنەدٸ. ياعني 1 كٷندە 1 شاقىرىم جول سالىنادى. ەڭ باستىسى, ساپاعا مەن بەرٸلەدٸ. بۇرىندارى جول سالىنىپ بٸتكەن سوڭ, وتىرۋلار پايدا بولعان جەردە نەگٸزدەر جٶندەلٸنەتٸن.
ال قازٸر جولدىڭ نەگٸزٸ 18 سم قۇرايتىن تسەمەنتپەن نىعىزدالادى. تەحنولوگيياعا شاعال تاستار پايدالانىلمايدى. ونىڭ ورنىن تۇراقتاندىرعىش قوسپاسى الماستىرادى. ال وسى ٸستٸ رەسايكلەر تەحنيكاسى اتقارادى.
روللان يبراگيموۆ, وبلىستىق جك جەنە اۆتوموبيل جولدارى باسقارماسى باسشىسىنىڭ ورىنباسارى:
– بيىل بٸز جاڭا تەحنولوگييامەن 190 شاقىرىم جولدى جٶندەپ جاتساق, كەلەسٸ جىلعا 300 شاقىرىم جولدى جٶندەۋدٸ كٶزدەپ وتىرمىز. بىلتىر جەرگٸلٸكتٸ ماڭىزى بار جولدارعا بٶلٸنگەن قارجى 8,9 ميلليارد بولسا, اعىمداعى جىلى 18 ميلليارد, ال 2019 جىلعا 26 ميلليارد جوسپارلاپ وتىرمىز.
قازٸرگٸ تاڭدا وبلىستىق ماڭىزى بار ارىس-شىمكەنت باعىتىنداعى 12 شاقىرىم جول كٷردەلٸ جٶندەۋدەن ٶتۋدە. مەردٸگەر مەكەمە بۇل جوبانىڭ 60 پايىزىن ەڭسەرگەن. بۇل 8 شاقىرىمدى قۇرايدى. بۇل جاڭا جول بۇرىنعىعا قاراعاندا ەنٸ جاعىنان 1 مەترگە ۇزارعان. ال اسفالت جولدىڭ جٷك كٶتەرۋ كٶرسەتكٸشٸ 6 توننادان 13 تونناعا دەيٸن ۇلعايعان.
نىسان تولىعىمەن 2019 جىلدىڭ ورتاسىندا پايدالانۋعا بەرٸلەدٸ.
«الداعى ۋاقىتتا وبلىس ورتالىعى تٷركٸستان قالاسىنا كٶشۋٸنە وراي ماقتارال, سارىاعاش اۋداندارىنان شىعاتىن قىسقا جولداردى جٶندەۋ باستى ماقساتتىڭ بٸرٸ», – دەيدٸ باسقارماداعىلار.
جوسپاردا شاردارا-شەۋٸلدٸر باعىتىنداعى 243 شاقىرىمدى قۇرايتىن وبلىستىق ماڭىزى بار جولدى ورتا جٶندەۋدەن ٶتكٸزۋ تاعى بار. ال كەلەر جىلى ٶڭٸردە جالپى 1,5 مىڭ شاقىرىم جول جاڭارماق. تٸپتٸ جول قۇرىلىسىنا مەملەكەتتٸك-جەكەمەنشٸك ەرٸپتەستٸك باعىتى بويىنشا دا ينۆەستورلار تارتىلادى.
تٷركٸستان وبلىسىندا 2022 جىلعا قاراي ٶڭٸرلٸك ماڭىزى بار جولدار 90 پايىز جاقسى جەنە قاناعاتتانارلىق دەڭگەيگە جەتكٸزٸلەدٸ.
