Mundaǵy erekshelik, óndiris kezeńinde jyldamdyqqa basa nazar aýdarylatyn kórinedi. Iaǵni 1 kúnde 1 shaqyrym jol salynady. Eń bastysy, sapaǵa mán beriledi. Buryndary jol salynyp bitken soń, otyrýlar paida bolǵan jerde negizder jóndelinetin.
Al qazir joldyń negizi 18 sm quraityn tsementpen nyǵyzdalady. Tehnologiiaǵa shaǵal tastar paidalanylmaidy. Onyń ornyn turaqtandyrǵysh qospasy almastyrady. Al osy isti resaikler tehnikasy atqarady.
Rollan Ibragimov, oblystyq JK jáne avtomobil joldary basqarmasy basshysynyń orynbasary:
– Biyl biz jańa tehnologiiamen 190 shaqyrym joldy jóndep jatsaq, kelesi jylǵa 300 shaqyrym joldy jóndeýdi kózdep otyrmyz. Byltyr jergilikti mańyzy bar joldarǵa bólingen qarjy 8,9 milliard bolsa, aǵymdaǵy jyly 18 milliard, al 2019 jylǵa 26 milliard josparlap otyrmyz.
Qazirgi tańda oblystyq mańyzy bar Arys-Shymkent baǵytyndaǵy 12 shaqyrym jol kúrdeli jóndeýden ótýde. Merdiger mekeme bul jobanyń 60 paiyzyn eńsergen. Bul 8 shaqyrymdy quraidy. Bul jańa jol burynǵyǵa qaraǵanda eni jaǵynan 1 metrge uzarǵan. Al asfalt joldyń júk kóterý kórsetkishi 6 tonnadan 13 tonnaǵa deiin ulǵaiǵan.
Nysan tolyǵymen 2019 jyldyń ortasynda paidalanýǵa beriledi.
«Aldaǵy ýaqytta oblys ortalyǵy Túrkistan qalasyna kóshýine orai Maqtaral, Saryaǵash aýdandarynan shyǵatyn qysqa joldardy jóndeý basty maqsattyń biri», – deidi basqarmadaǵylar.
Josparda Shardara-Sháýildir baǵytyndaǵy 243 shaqyrymdy quraityn oblystyq mańyzy bar joldy orta jóndeýden ótkizý taǵy bar. Al keler jyly óńirde jalpy 1,5 myń shaqyrym jol jańarmaq. Tipti jol qurylysyna memlekettik-jekemenshik áriptestik baǵyty boiynsha da investorlar tartylady.
Túrkistan oblysynda 2022 jylǵa qarai óńirlik mańyzy bar joldar 90 paiyz jaqsy jáne qanaǵattanarlyq deńgeige jetkiziledi.
