تۇركىستان قالاسىندا «ەڭسەسى بيىك ۇلى جەڭىس» اتتى فوتوكورمەسى ءوتتى.
شاراعا كەلگەن قوناقتار ۇلى وتان سوعىسىنا قاتىستى تاريحي جادىگەرلەردى كورىپ، ەرلىك پەن وتانسۇيگىشتىككە تولى شەجىرەلى كەزەڭدەرمەن تانىستى. كورمەنىڭ ماقساتى – ەل ءۇشىن جانىن قيعان ارداگەرلەردىڭ ەرلىگىن ناسيحاتتاۋ جانە جاستاردىڭ بويىنا پاتريوتتىق رۋحتى ءسىڭىرۋ. شاراعا ق ر ۇلتتىق ۇلانى 5574 اسكەري ءبولىمىنىڭ ساربازدارى، قالالىق مادەنيەت ءۇيىنىڭ قىزمەتكەرلەرى، №15 م.جۇمابايەۆ اتىنداعى مەكتەپ-گيمنازياسى مەن №26 جالپى ورتا مەكتەبىنىڭ وقۋشىلارى قاتىستى.
ايتا كەتەيىك تۇركىستان وبلىسىنان ۇلى وتان سوعىسىنا 140 مىڭنان استام ازامات اتتانىپ، ونىڭ 70 مىڭى ەلگە ورالعان. ونىڭ ىشىندە 51ء-ى كەڭەس وداعىنىڭ باتىرى، 1ء-ى حالىق قاھارمانى جانە 8ء-ى III دارەجەلى «داڭق» وردەنى كاۆالەرى اتاعىن العان. بۇگىنگى تاڭدا وبلىس كولەمىندە 8 ۇوس ارداگەرى بار.
تۇركىستان وبلىسىنىڭ وڭىرلىك كوممۋنيكاسيالار قىزمەتى
