Túrkistan qalasynda «Eńsesi bıik Uly Jeńis» atty fotokórmesi ótti.
Sharaǵa kelgen qonaqtar Uly Otan soǵysyna qatysty tarıhı jádigerlerdi kórip, erlik pen otansúıgishtikke toly shejireli kezeńdermen tanysty. Kórmeniń maqsaty – el úshin janyn qıǵan ardagerlerdiń erligin nasıhattaý jáne jastardyń boıyna patrıottyq rýhty sińirý. Sharaǵa QR Ulttyq ulany 5574 áskerı bóliminiń sarbazdary, qalalyq mádenıet úıiniń qyzmetkerleri, №15 M.Jumabaev atyndaǵy mektep-gımnazıasy men №26 jalpy orta mektebiniń oqýshylary qatysty.
Aıta keteıik Túrkistan oblysynan Uly Otan soǵysyna 140 myńnan astam azamat attanyp, onyń 70 myńy elge oralǵan. Onyń ishinde 51-i Keńes Odaǵynyń batyry, 1-i Halyq qaharmany jáne 8-i III dárejeli «Dańq» ordeni kavaleri ataǵyn alǵan. Búgingi tańda oblys kóleminde 8 UOS ardageri bar.
Túrkistan oblysynyń Óńirlik komýnıkasıalar qyzmeti
