ۇلى وتان سوعىسىنداعى جەڭىستىڭ 80 جىلدىعىن مەرەكەلەۋ اياسىندا تۇركىستان وبلىسىنىڭ قورعانىس ىستەرى جونىندەگى دەپارتامەنتى مەن ءبىلىم باسقارماسىنىڭ «قوسىمشا ءبىلىم بەرۋدى دامىتۋ وڭىرلىك ورتالىعى» بىرلەسىپ، تولەبي اۋدانىنداعى «بايشەشەك» جازعى ساۋىقتىرۋ لاگەرىندە "ايبىن-2025" اسكەري-پاتريوتتىق جيىنىنا ارنالعان وبلىستىق ىرىكتەۋ بايقاۋىن وتكىزدى،- دەپ حابارلايدى Dalanews.kz
سايىستىڭ اشىلۋىنا تۇركىستان وبلىسىنىڭ قورعانىس ىستەرى جونىندەگى دەپارتامەنتىنىڭ باسشىلىعى، سونداي-اق ق ر قارۋلى كۇشتەرى مەن لوكالدى سوعىستار ارداگەرلەرىنىڭ رەسپۋبليكالىق قوعامدىق بىرلەستىگىنىڭ وكىلدەرى قاتىستى. ولار بارلىق قاتىسۋشىلارعا ساتتىلىك تىلەدى.
جالپى جارىسقا تۇركىستان وبلىسىنىڭ اۋدان-قالالارىنان كەلگەن 17 كوماندا قۇرامىنداعى 255 جاس قاتىستى. جاستار تۋرنيككە تارتىلۋ، شالقاسىنان جاتىپ دەنەنى كوتەرۋ، اسكەري كروسس، ارقان تارتۋ، پنيەۆماتيكالىق مىلتىقتان اتۋ، اك-74 اۆتوماتىن تولىق ەمەس بولشەكتەۋ جانە جيناقتاۋ، سونداي-اق جالپىاسكەري قورعانىس جيىنتىعىن (ناكيدكا تۇرىندە) كيۋ سەكىلدى جاتتىعۋلار بويىنشا ءوزارا ب ا ق سىناستى.
– بولاشاق جاۋىنگەرلەردى جاستايىنان اسكەري ىسكە باۋلۋ، ولاردىڭ بويىندا وتانسۇيگىشتىك جانە قاھارماندىق رۋح قالىپتاستىرۋ – بارشا قازاقستاندىقتاردىڭ ورتاق بورىشى، تىكەلەي مىندەتى. بۇل ءداستۇرلى شارادا الدىڭعى جىلدارمەن سالىستىرعاندا ناتيجە الدەقايدا جاقسى بولدى. سايىس بارىسىندا ىرىكتەلگەن 10 ۇل مەن 5 قىزدىڭ الداعى رەسپۋبليكالىق بايقاۋدا جوعارى ناتيجە كورسەتەتىنىنە سەنەمىن، – دەدى رەسپۋبليكالىق «جاس سارباز» اسكەري-پاتريوتتىق قوزعالىسى تۇركىستان وبلىستىق فيليالىنىڭ ءتوراعاسى ارۋجان شەكەربەك.
وبلىستىق اسكەري-پاتريوتتىق جيىننىڭ قورىتىندىسى بويىنشا ءى ورىندى كەنتاۋ قالاسىنىڭ كومانداسى، ءىى ورىندى سايرام اۋدانى، ال ءىىى ورىندى ارىس قالاسىنىڭ قۇراما كومانداسى يەلەندى.
جەڭىمپازدارعا ارنايى ماراپاتتار، ديپلومدار جانە مەدالدار تابىستالدى. جاقىن ارادا جەڭىمپاز كوماندا ماۋسىم ايىندا اقتوبە وبلىسىندا وتەتىن حالىقارالىق كەزەڭدە وبلىس نامىسىن قورعايتىن بولادى.
