سالا ماماندارىنىڭ سوزىنشە، ورتالىقتا تىركەۋدە تۇراتىن ازاماتشالاردىڭ بارلىعى دەنى ساۋ ءسابيدى دۇنيەگە اكەلگەن. وكىنىشتىسى سول ءۆيچ-تى جۇقتىرعانداردىڭ كوبى دارىگەر ايتقان دياگنوزعا كۇمانمەن قاراپ، ەم قابىلداۋدان باس تارتىپ جاتادى ەكەن.
وڭىردە ۆيچ ينفەكسياسىن جۇقتىرعان 3 343 ازامات تىركەۋدە تۇر قازىرگى كۇنى. جىلدا تەكسەرۋ جۇمىستارىن جۇرگىزەتىن ماماندار بيىلدىڭ وزىندە تۇزەۋ مەكەمەسىندە جاتقان جەتى ازاماتتان ينفەكسيا انىقتاعان. سونداي-اق، شەتەلدەن كەلۋشىلەردىڭ ارسىندا دا ۆيچ ينفەكسياسىن جۇقتىرعاندار كوپتەپ كەزدەسەدى ەكەن.
جيتس ورتالىعىنىڭ ەپيدەميولوگى ىنتىماق مۇسايەۆتىڭ ايتۋىنشا، بۇگىنگى كۇنگە دەيىن 230 شەت ەلدەن كەلگەن ازاماتتان ۆيچ ينفەكسياسى انىقتالعان. ينفەكسيا انىقتالعانداردىڭ باسىم بولىگى وزبەكستان ەلىنەن كەلگەندەر. ال جىل باسىنان بەرى شەتەلدەن كەلگەن 7 ازاماتتان ءقاۋىپتى ينفەكسيا انىقتالىپتى.
ايتا كەتەيىك، ءجيتس-تىڭ الدىن الۋ جانە وعان قارسى كۇرەس جونىندەگى ورتالىق ماماندارى 15 قاراشادان باستاپ، بارلىق قالا تۇرعىندارىن تەگىن تەكسەرۋگە شاقىرادى. ياعني، ءسىز ورتالىققا كەلىپ ءوزىڭىزدىڭ مارتەبەڭىزدى انىقتاي الاسىز. دارىگەرلەر بيىلعى جوسپارعا سايكەس حالىق اراسىنداعى 90 پايىز تەكسەرۋ جۇمىستارىن جۇرگىزبەك نيەتتە.
