تۇركىستان وبلىسىندا 2018 جىلدىڭ 10 ايىندا جالپى ءولىم-جىتىم كورسەتكىشى 3،8ء-دى قۇراپ، وتكەن جىلدىڭ وسى كەزەڭىمەن سالىستىرعاندا 2،6 پايىزعا تومەندەگەن. بۇدان بولەك وڭىردەگى نارەستەنىڭ ءولىم-جىتىم كورسەتكىشى 8،6-نى قۇراپ، وتكەن جىلمەن سالىستىرعاندا 16،2 پايىزعا تومەندەدى.
بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە دەنساۋلىق ساقتاۋ باسقارماسىنىڭ باسشىسى مۇقان ەگىزبايەۆ مالىمدەدى.
سونداي-اق، انا ءولىم-جىتىم كورسەتكىشى وتكەن جىلدىڭ 10 ايلىق كورسەتكىشىمەن سالىستىرعاندا 4،2 پايىزعا تومەندەپ، رەسپۋبليكا بويىنشا وبلىس 9 ورىنعا تۇراقتاعان.
«وڭىردەگى نارەستەنىڭ ءولىم-جىتىم كورسەتكىشى 8،6-نى قۇراپ، وتكەن جىلمەن سالىستىرعاندا 16،2 پايىزعا تومەندەدى. 10 ايلىق ناتيجەسىنىڭ قورىتىندىسى بويىنشا وبلىس نارەستە ءولىمى كورسەتكىشى رەسپۋبليكادا 6-ورىندا. بۇدان وزگە، كادرلىق رەسۋرستار بويىنشا وبلىستاعى دارىگەرلەر سانى - 4957. بۇل 10 مىڭ حالىققا شاققاندا 25،4 كورسەتكىشتى قۇرايدى. سونداي-اق، اعىمداعى جىلدىڭ 10 ايىندا وبلىستىق دەڭگەيدە 4350 مامان، رەسپۋبليكالىق دەڭگەيدە 1716 مامان بىلىكتىلىگىن ارتتىردى. سونىمەن قاتار، 63 مامان ماسكەۋ، قازان، مينسك، سانكت-پەتەربۋرگ، نوۆوسيبيرسك قالالارىنىڭ كلينيكالارىندا ءبىلىمىن جوعارىلاتىپ، تاجىريبە الماستى»، - دەدى مۇقان كەڭەسبەك ۇلى.
باسقارما باسشىسىنىڭ ايتۋىنشا، تۇركىستان وبلىسىندا 38 مەديسينالىق ۇيىم مەديسينالىق اقپاراتتىق جۇيەگە 100 پايىز قوسىلعان.
