Túrkistan oblysynda 2018 jyldyń 10 aıynda jalpy ólim-jitim kórsetkishi 3,8-di qurap, ótken jyldyń osy kezeńimen salystyrǵanda 2,6 paıyzǵa tómendegen. Budan bólek óńirdegi náresteniń ólim-jitim kórsetkishi 8,6-ny qurap, ótken jylmen salystyrǵanda 16,2 paıyzǵa tómendedi.
Bul týraly Túrkistan oblysynyń Óńirlik komýnıkasıalar qyzmetinde ótken brıfıńte Densaýlyq saqtaý basqarmasynyń basshysy Muqan Egizbaev málimdedi.
Sondaı-aq, ana ólim-jitim kórsetkishi ótken jyldyń 10 aılyq kórsetkishimen salystyrǵanda 4,2 paıyzǵa tómendep, respýblıka boıynsha oblys 9 orynǵa turaqtaǵan.
«Óńirdegi náresteniń ólim-jitim kórsetkishi 8,6-ny qurap, ótken jylmen salystyrǵanda 16,2 paıyzǵa tómendedi. 10 aılyq nátıjesiniń qorytyndysy boıynsha oblys náreste ólimi kórsetkishi respýblıkada 6-orynda. Budan ózge, kadrlyq resýrstar boıynsha oblystaǵy dárigerler sany - 4957. Bul 10 myń halyqqa shaqqanda 25,4 kórsetkishti quraıdy. Sondaı-aq, aǵymdaǵy jyldyń 10 aıynda oblystyq deńgeıde 4350 maman, respýblıkalyq deńgeıde 1716 maman biliktiligin arttyrdy. Sonymen qatar, 63 maman Máskeý, Qazan, Mınsk, Sankt-Peterbýrg, Novosıbırsk qalalarynyń klınıkalarynda bilimin joǵarylatyp, tájirıbe almasty», - dedi Muqan Keńesbekuly.
Basqarma basshysynyń aıtýynsha, Túrkistan oblysynda 38 medısınalyq uıym medısınalyq aqparattyq júıege 100 paıyz qosylǵan.
