بۇل تۋرالى ۇكىمەت باسشىسىنىڭ ورىنباسارى، اۋىل شارۋاشىلىعى ءمينيسترى ءومىرزاق شوكەيەۆ ايتتى.
«2017-2021 جىلدارعا ارنالعان اگروونەركاسىپتىڭ كەشەندى دامىتۋ باعدارلاماسىندا اۋىل شارۋاشىلىعى مينيسترلىگى اۋىل شارۋاشىلىعى داقىلدارىنان جوعارى جانە تۇراقتى ءونىم الۋ ءۇشىن جەر جانە سۋ رەسۋرستارىن پايدالانۋدى ارتتىرۋ ماقساتىندا ءتۇرلى شارالار كەشەنىن ۇسىندى. اتاپ ايتقاندا، گيدرولوگيا، توپىراق جانە اگروكليماتتىق جاعدايلارىن جاقسارتۋ»، - دەدى ءومىرزاق ەستاي ۇلى.
ايتا كەتەلىك، وبلىس اكىمى ج.تۇيمەبايەۆ ايماقتاعى سۋارمالى جەرلەر كولەمى ۇلعايتىلىپ، جاڭا باعىتتاعى جوبالار بويىنشا دامىتىلىپ جاتقاندىعىن ايتقان بولاتىن. ايتالىق، وڭىردە وتكەن جىلى 570،4 مىڭ گەكتار سۋارمالى جەردىڭ 498،2 مىڭ گەكتارى پايدالانىلعان.
سونداي-اق، بىلتىر وڭىردەگى اۋىل شارۋاشىلىعى سالاسىنداعى جالپى ءونىم كولەمى 522،4 ملرد. تەڭگەنى قۇراپ، وتكەن جىلدىڭ ءتيىستى كەزەڭىمەن سالىستىرعاندا 42 ملرد. تەڭگەگە ارتقان. سونداي-اق وزىق تەحنولوگيالاردى قولدانۋدا تۇركىستان ءوڭىرى رەسپۋبليكادا كوش باستاپ تۇر. ەلباسىمىزدىڭ تاپسىرماسىنا سايكەس، ايماقتا اۋىل شارۋاشىلىعى ونىمدەرىن ەكسپورتتاۋ جىلدان جىلعا قارقىندى وسۋدە.
تۇركىستان وبلىسىنىڭ اكىمدىگى جەرگىلىكتى شارۋا قوجالىقتارىنىڭ ۇسىنىستارى دا ۇنەمى قۇلاق اسۋدا. شارۋالار ماۋسىمدا ءتۇرلى تىڭايتقىشتاردىڭ باعاسىن باقىلاۋعا الۋ كەرەكتىگىن جانە وزىق تەحنولوگيالارعا ساي الىناتىن جابدىقتارعا بەرىلەتىن مەملەكەتتىك قولداۋلارعا وزگەرىستەر ەنگىزۋى قاجەتتىگىن، سونداي-اق سۋارمالى جەرلەرگە سۋدىڭ كەرەكتى مولشەردە كەلۋىن قامتاماسىز ەتۋىن ايتۋدا.
