Bul týraly Úkimet basshysynyń orynbasary, Aýyl sharýashylyǵy ministri Ómirzaq Shókeev aitty.
«2017-2021 jyldarǵa arnalǵan agroónerkásiptiń keshendi damytý baǵdarlamasynda Aýyl sharýashylyǵy ministrligi aýyl sharýashylyǵy daqyldarynan joǵary jáne turaqty ónim alý úshin jer jáne sý resýrstaryn paidalanýdy arttyrý maqsatynda túrli sharalar keshenin usyndy. Atap aitqanda, gidrologiia, topyraq jáne agroklimattyq jaǵdailaryn jaqsartý», - dedi Ómirzaq Estaiuly.
Aita ketelik, oblys ákimi J.Túimebaev aimaqtaǵy sýarmaly jerler kólemi ulǵaitylyp, jańa baǵyttaǵy jobalar boiynsha damytylyp jatqandyǵyn aitqan bolatyn. Aitalyq, óńirde ótken jyly 570,4 myń gektar sýarmaly jerdiń 498,2 myń gektary paidalanylǵan.
Sondai-aq, byltyr óńirdegi aýyl sharýashylyǵy salasyndaǵy jalpy ónim kólemi 522,4 mlrd. teńgeni qurap, ótken jyldyń tiisti kezeńimen salystyrǵanda 42 mlrd. teńgege artqan. Sondai-aq ozyq tehnologiialardy qoldanýda Túrkistan óńiri respýblikada kósh bastap tur. Elbasymyzdyń tapsyrmasyna sáikes, aimaqta aýyl sharýashylyǵy ónimderin eksporttaý jyldan jylǵa qarqyndy ósýde.
Túrkistan oblysynyń ákimdigi jergilikti sharýa qojalyqtarynyń usynystary da únemi qulaq asýda. Sharýalar maýsymda túrli tyńaitqyshtardyń baǵasyn baqylaýǵa alý kerektigin jáne ozyq tehnologiialarǵa sai alynatyn jabdyqtarǵa beriletin memlekettik qoldaýlarǵa ózgerister engizýi qajettigin, sondai-aq sýarmaly jerlerge sýdyń kerekti mólsherde kelýin qamtamasyz etýin aitýda.
