تٷركٸستان وبلىسىنىڭ كٷش قۇرىلىمدارى جاڭا عيماراتقا كٶشەدٸ
تٷركٸستان قالاسىندا وبلىستىڭ كٷش قۇرىلىمدارى مەن قۇقىق قورعاۋ ورگاندارىنىڭ جاڭا عيماراتتارى بوي كٶتەردٸ. ەكٸمشٸلٸك-ٸسكەرلٸك ورتالىقتا ورنالاسقان مەمەلەتتٸك نىساندار بارلىق تالاپتارعا ساي سالىنۋدا. تٷركٸستان وبلىسىنىڭ ەكٸمٸ ٶمٸرزاق شٶكەەۆ قۇرىلىس الاڭدارىندا بولىپ, جۇمىس بارىسىمەن تانىستى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
مەملەكەتتٸك كٸرٸستەر دەپارتامەنتٸ عيماراتىنىڭ قۇرىلىسى اياقتالۋعا جاقىن. نىساننىڭ جالپى جەر اۋدانى 9 مىڭ شارشى مەتر. سىرتقى اباتتاندىرۋ جۇمىستارى جەنە ٸشكٸ قۇرال-جابدىقتارىن ورناتۋ جۇمىستارى جٷرگٸزٸلۋدە. جاقىن كٷندەرٸ پايدالانۋعا بەرٸلەدٸ.
تٷركٸستان قالاسىنداعى تٶتەنشە جاعدايلار دەپارتامەنتٸ مەن «ٶرت سٶندٸرۋ-قۇتقارۋ قىزمەتٸ» مەملەكەتتٸك مەكەمەسٸ ٷشٸن ەكٸمشٸلٸك عيمارات پەن 4 اۆتوكٶلٸككە ٶرت سٶندٸرۋ بەكەتٸنٸڭ قۇرىلىسى دا قارقىندى. عيمارات قىركٷيەك ايىندا پايدالانۋعا بەرٸلەدٸ. قازٸر ٸشكٸ ەرلەۋ جۇمىستارى مەن اباتتاندىرۋ جۇمىستارى جٷرگٸزٸلۋدە.
مامىر ايىندا باستالعان وبلىستىق پروكۋراتۋرا عيماراتىنىڭ قۇرىلىسى كەلەر جىلى اياقتالماق. جالپى جەر اۋدانى 10 مىڭ شارشى مەتر. جەتٸ قاباتتى عيماراتتىڭ جەر جۇمىستارى اياقتالىپ, ٸرگەتاسى قالانعان. تەحنيكالىق ورىن-جايلاردىڭ بەتون قۇيۋ جۇمىستارى جٷرگٸزٸلۋدە.
وبلىس ەكٸمٸ ۇلتتىق قاۋٸپسٸزدٸك كوميتەتٸ عيماراتىنىڭ قۇرىلىس الاڭىندا بولدى. 5 گەكتار. جەردە ورنالاسقان. بەتون قاڭقالارىن قۇيۋ, جابىن پلاتالارىن ورناتۋ جۇمىستارى جٷرگٸزٸلۋدە. نىسان جىل سوڭىنا دەيٸن پايدالانۋعا بەرٸلەدٸ. پوليتسييا دەپارتامەنتٸنٸڭ «جەدەل باسقارۋ ورتالىعىنىڭ» عيماراتى ٶتكەن جىلدىڭ قىركٷيەك ايىندا باستالعان بولاتىن. جالپى جەر اۋدانى - 3 گا. قۇرىلىس-مونتاج جۇمىستارى قارقىندى. سونداي-اق تٷركٸستان قالاسىندا 470 ادامعا ارنالعان پوليتسييا دەپارتامەنتٸ عيماراتىنىڭ قۇرىلىسى جٷرٸپ جاتىر. جالپى جەر اۋدانى 4 مىڭ م2. عيمارات بٸرنەشە بلوكتان تۇرادى. قابىرعاسى قالانىپ, ۋاقىتشا ۇستاۋ يزولياتورى مەن سپورت اۋماعى, 30 كٶلٸككە ارنالعان گاراجدىڭ جەر جۇمىستارى جەنە ٸرگەتاسى اياقتالعان. پوليتسييا قىزمەتكەرلەرٸ جاڭا عيماراتقا كەلەر جىلى كٶشەدٸ.
