Túrkistan oblysynyń kúsh qurylymdary jańa ǵimaratqa kóshedi
Túrkistan qalasynda oblystyń kúsh qurylymdary men quqyq qorǵaý organdarynyń jańa ǵimarattary boi kóterdi. Ákimshilik-iskerlik ortalyqta ornalasqan memelettik nysandar barlyq talaptarǵa sai salynýda. Túrkistan oblysynyń ákimi Ómirzaq Shókeev qurylys alańdarynda bolyp, jumys barysymen tanysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Memlekettik kirister departamenti ǵimaratynyń qurylysy aiaqtalýǵa jaqyn. Nysannyń jalpy jer aýdany 9 myń sharshy metr. Syrtqy abattandyrý jumystary jáne ishki qural-jabdyqtaryn ornatý jumystary júrgizilýde. Jaqyn kúnderi paidalanýǵa beriledi.
Túrkistan qalasyndaǵy Tótenshe jaǵdailar departamenti men «Órt sóndirý-qutqarý qyzmeti» memlekettik mekemesi úshin ákimshilik ǵimarat pen 4 avtokólikke órt sóndirý beketiniń qurylysy da qarqyndy. Ǵimarat qyrkúiek aiynda paidalanýǵa beriledi. Qazir ishki árleý jumystary men abattandyrý jumystary júrgizilýde.
Mamyr aiynda bastalǵan oblystyq prokýratýra ǵimaratynyń qurylysy keler jyly aiaqtalmaq. Jalpy jer aýdany 10 myń sharshy metr. Jeti qabatty ǵimarattyń jer jumystary aiaqtalyp, irgetasy qalanǵan. Tehnikalyq oryn-jailardyń beton quiý jumystary júrgizilýde.
Oblys ákimi Ulttyq qaýipsizdik komiteti ǵimaratynyń qurylys alańynda boldy. 5 gektar. jerde ornalasqan. Beton qańqalaryn quiý, jabyn platalaryn ornatý jumystary júrgizilýde. Nysan jyl sońyna deiin paidalanýǵa beriledi. Politsiia departamentiniń «Jedel basqarý ortalyǵynyń» ǵimaraty ótken jyldyń qyrkúiek aiynda bastalǵan bolatyn. Jalpy jer aýdany - 3 ga. Qurylys-montaj jumystary qarqyndy. Sondai-aq Túrkistan qalasynda 470 adamǵa arnalǵan Politsiia departamenti ǵimaratynyń qurylysy júrip jatyr. Jalpy jer aýdany 4 myń m2. Ǵimarat birneshe bloktan turady. Qabyrǵasy qalanyp, ýaqytsha ustaý izoliatory men sport aýmaǵy, 30 kólikke arnalǵan garajdyń jer jumystary jáne irgetasy aiaqtalǵan. Politsiia qyzmetkerleri jańa ǵimaratqa keler jyly kóshedi.
