تۇركىستان وبلىسىندا ينۆەستيسيا تارتۋعا باسىم باعىت بەرىلگەن. وڭىردە ينۆەستيسيالىق شتاب جۇمىس ىستەيدى. تۇركىستان وبلىسىنىڭ اكىمى دارحان ساتىبالدى ءاربىر ينۆەستورمەن جەكە كەزدەسىپ، قولداپ، ءار جوبانىڭ تۇپكىلىكتى جۇزەگە اسۋىن ءجىتى باقىلايدى. بارلىق اۋدان، قالا اكىمىنە ناقتى ينديكاتورلار بەكىتىلگەن. اۋدان، قالا باسشىلارى جەرگىلىكتى كاسىپكەرلەرمەن بىرگە تۇركيا، جۇڭگو، اۋستراليا، وزبەكستان ەلدەرىنىڭ وندىرىستىك ايماقتارىنا ءىسساپارلاردا بولدى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
دەلەگاسيا الەمگە تانىمال كاسىپورىن، زاۋىتتاردى ارالاپ، الپاۋىت كومپانيالارمەن كەلىسىمدەر جاسالدى. وزىق شەتەل تاجىريبەسى كەڭىنەن قولدانۋ ماقساتىندا اتقارىلعان ءتيىستى جۇمىستار وڭ ناتيجەسىن كورسەتۋدە.
6 جىلدا وبلىس ەكونوميكاسىنا تارتىلعان ينۆەستيسيا 3 ەسەگە ارتىپ، 2023 جىلى 972 ملرد تەڭگەنى قۇرادى. نەگىزگى كاپيتالعا باعىتتالعان قارجىنىڭ باسىم بولىگى جەكە ينۆەستيسياعا تيەسىلى. 2023 جىلعا جوسپارلانعان 56 ينۆەستجوبا تولىق ىسكە قوسىلدى. ەكونوميكاعا تىڭ سەرپىن بەرەتىن 145 جوبا پۋلى قالىپتاستى. ونىڭ ىشىندە ءوندىرىس پەن اۋىل شارۋاشىلىعىندا تەرەڭ وڭدەۋدى دامىتۋعا باسىمدىق بەرىلدى. بۇل جوبالار 17 مىڭ جاڭا جۇمىس ورنىن اشىپ، وزىندىك كىرىستى قوسىمشا 100 ملرد. تەڭگەگە ۇلعايتۋعا مۇمكىندىك بەرەدى.
ينۆەستورلارعا قولايلى جاعداي جاساۋعا باسا ءمان بەرىلگەن. ەڭ الدىمەن، وڭىردە 594 گەكتاردى قۇرايتىن 10 يندۋستريالدى ايماق جانە 580 گەكتاردان تۇراتىن ارنايى ەكونوميكالىق ايماقتار بار. وندا 49 كاسىپورىن جۇمىس ىستەيدى. قوسىمشا 39 جوبانىڭ قۇرىلىسى جۇرگىزىلىپ جاتىر.
ەكىنشىدەن، وندىرىستىك پارك اۋماعىندا 42 عيمارات سالىنىپ جاتىر. جوبانىڭ ءبىرىنشى كەزەڭىندە 14 عيمارات قۇرىلىسى اياقتالدى. جالپى قۇنى 30،7 ملرد تەڭگە بولاتىن 10 جوبا جوسپارلانسا، سونىڭ جەتەۋى (24،2 ملرد تەڭگە) ىسكە قوسىلدى. ولاردىڭ قاتارىندا توڭازىتقىش وندىرەتىن «UBC group»، اسكەري شاتىر مەن جيھاز وندىرەتىن «Aqniet holding»، جاڭبىرلاتىپ جانە تامشىلاتىپ سۋعارۋ جۇيەسىن شىعاراتىن «BNK group» كومپانيالارى بار. وندىرىستىك پاركتىڭ بيىل اياقتالاتىن ەكىنشى جانە ءۇشىنشى كەزەڭىندە 70 ملرد تەڭگەدەن استام ينۆەستيسيا قارجىسىنا ءوندىرىس ورىندارىن اشۋ جوسپارلانعان. وبلىس اكىمىنىڭ تاپسىرماسىمەن وسىنداي پاركتەردى اۋدانداردا دا سالىنادى.
مەملەكەت باسشىسىنىڭ قوماقتى قارجى سالۋعا دايىن ءىرى كومپانيالارعا «ءبىر تەرەزە» قاعيداتىمەن جان-جاقتى قولداۋ كورسەتۋ جونىندەگى تاپسىرماسى دا ايرىقشا نازاردا. 2024-2027 جىلدار ارالىعىندا 2،1 ترلن تەڭگەگە 145 ينۆەستيسيالىق جوبانى ىسكە اسىرۋ جوسپارلانعان. ونىڭ ىشىندە «پگۋ تۋركەستان» قۋاتتىلىعى 926،5 مۆت قۇرايتىن بۋ-گاز قوندىرعىسى، «Standard Petroleum» مۇناي وڭدەۋ زاۋىتى، «قازاتومپروم» كومپانياسىنىڭ كۇكىرت قىشقىلىن ءوندىرۋ زاۋىتى، «كازكراحمال» جۇگەرىنى تەرەڭ وڭدەۋ زاۋىتى بار. ماسەلەن، «Beibars-Bottlers» اۋىز سۋ جانە ءتۇرلى-تۇستى سۋسىنداردى شىعارۋ زاۋىتىندا جىلىنا 85-100 ملن ليتر ءتۇرلى ءتۇستى سۋسىندار شىعرۋ كوزدەلىپ وتىر، 100-گە جۋىق ادام جۇمىسپەن قامتىلادى.
ال «Global textile» زاۋىتى ىسكە قوسىلعاننان كەيىن 10 مىڭ توننا ماقتا تالشىعىن وندىرەدى. سونىمەن قاتار 2000 جۇمىس ورنى اشىلماق. ««Lihua xinjang group» تەكستيل كلاستەرى جوباسىنىڭ قۇنى – 180 ملرد. تەڭگە. ماقتا كلاستەرىن دامىتىپ، ونى وڭدەۋ، ءجىپ ءيىرۋ، ماتا شىعارۋ جانە ماقتا ەگۋگە بايلانىستى وندىرىستەردى جۇزەگە اسىرادى. 2500-دەي جۇمىس ورنى قۇرىلادى. زاۋىتتاردى اشىپ قانا قويماي، ودان شىعاتىن تاۋارلار مەن ونىمدەردى وتكىزۋ ماسەلەسىنە دە ەرەكشە كوڭىل بولىنگەن.
