Túrkistan oblysynda investitsiia tartýǵa basym baǵyt berilgen. Óńirde investitsiialyq shtab jumys isteidi. Túrkistan oblysynyń ákimi Darhan Satybaldy árbir investormen jeke kezdesip, qoldap, ár jobanyń túpkilikti júzege asýyn jiti baqylaidy. Barlyq aýdan, qala ákimine naqty indikatorlar bekitilgen. Aýdan, qala basshylary jergilikti kásipkerlermen birge Túrkiia, Qytai, Aýstraliia, Ózbekstan elderiniń óndiristik aimaqtaryna issaparlarda boldy, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Delegatsiia álemge tanymal kásiporyn, zaýyttardy aralap, alpaýyt kompaniialarmen kelisimder jasaldy. Ozyq shetel tájiribesi keńinen qoldaný maqsatynda atqarylǵan tiisti jumystar oń nátijesin kórsetýde.
6 jylda oblys ekonomikasyna tartylǵan investitsiia 3 esege artyp, 2023 jyly 972 mlrd teńgeni qurady. Negizgi kapitalǵa baǵyttalǵan qarjynyń basym bóligi jeke investitsiiaǵa tiesili. 2023 jylǵa josparlanǵan 56 investjoba tolyq iske qosyldy. Ekonomikaǵa tyń serpin beretin 145 joba pýly qalyptasty. Onyń ishinde óndiris pen aýyl sharýashylyǵynda tereń óńdeýdi damytýǵa basymdyq berildi. Bul jobalar 17 myń jańa jumys ornyn ashyp, ózindik kiristi qosymsha 100 mlrd. teńgege ulǵaitýǵa múmkindik beredi.
Investorlarǵa qolaily jaǵdai jasaýǵa basa mán berilgen. Eń aldymen, óńirde 594 gektardy quraityn 10 indýstrialdy aimaq jáne 580 gektardan turatyn arnaiy ekonomikalyq aimaqtar bar. Onda 49 kásiporyn jumys isteidi. Qosymsha 39 jobanyń qurylysy júrgizilip jatyr.
Ekinshiden, óndiristik park aýmaǵynda 42 ǵimarat salynyp jatyr. Jobanyń birinshi kezeńinde 14 ǵimarat qurylysy aiaqtaldy. Jalpy quny 30,7 mlrd teńge bolatyn 10 joba josparlansa, sonyń jeteýi (24,2 mlrd teńge) iske qosyldy. Olardyń qatarynda tońazytqysh óndiretin «UBC group», áskeri shatyr men jihaz óndiretin «Aqniet holding», jańbyrlatyp jáne tamshylatyp sýǵarý júiesin shyǵaratyn «BNK group» kompaniialary bar. Óndiristik parktiń biyl aiaqtalatyn ekinshi jáne úshinshi kezeńinde 70 mlrd teńgeden astam investitsiia qarjysyna óndiris oryndaryn ashý josparlanǵan. Oblys ákiminiń tapsyrmasymen osyndai parkterdi aýdandarda da salynady.
Memleket basshysynyń qomaqty qarjy salýǵa daiyn iri kompaniialarǵa «bir tereze» qaǵidatymen jan-jaqty qoldaý kórsetý jónindegi tapsyrmasy da airyqsha nazarda. 2024-2027 jyldar aralyǵynda 2,1 trln teńgege 145 investitsiialyq jobany iske asyrý josparlanǵan. Onyń ishinde «PGÝ Týrkestan» qýattylyǵy 926,5 MVt quraityn bý-gaz qondyrǵysy, «Standard Petroleum» munai óńdeý zaýyty, «Qazatomprom» kompaniiasynyń kúkirt qyshqylyn óndirý zaýyty, «Kazkrahmal» júgerini tereń óńdeý zaýyty bar. Máselen, «Beibars-Bottlers» aýyz sý jáne túrli-tústi sýsyndardy shyǵarý zaýytynda jylyna 85-100 mln litr túrli tústi sýsyndar shyǵrý kózdelip otyr, 100-ge jýyq adam jumyspen qamtylady.
Al «Global textile» zaýyty iske qosylǵannan keiin 10 myń tonna maqta talshyǵyn óndiredi. Sonymen qatar 2000 jumys orny ashylmaq. ««Lihua xinjang group» tekstil klasteri jobasynyń quny – 180 mlrd. teńge. Maqta klasterin damytyp, ony óńdeý, jip iirý, mata shyǵarý jáne maqta egýge bailanysty óndiristerdi júzege asyrady. 2500-dei jumys orny qurylady. Zaýyttardy ashyp qana qoimai, odan shyǵatyn taýarlar men ónimderdi ótkizý máselesine de erekshe kóńil bólingen.
