Shymkent munai óńdeý zaýyty aýqymdy jóndeýden keiin jumysyn qaita bastady, dep habarlaidy dalanews.kz.
Kásiporynda josparly aldyn alý jóndeý jumystary 27 naýryzda bastalǵan. Energetika ministrligi bekitken kestege sáikes júrgizilgen jumystar belgilengen merzimnen úsh kún buryn aiaqtaldy.
22 sáýirden bastap munaidy bastapqy óńdeý óndirisi qalypty rejimge kóshse, 2 mamyrda tereń óńdeý kezeńi de tolyq iske qosyldy. Jóndeý barysynda 573-ten astam qural-jabdyq pen 170 qubyr jelisine tehnikalyq tekseris júrgizilip, negizgi peshter men mańyzdy qondyrǵylarǵa kúrdeli jóndeý jasalǵan. Atap aitqanda, ELOÝ-AT, dizel otynyn gidrotazartý jáne katalitikalyq kreking qondyrǵylary jańǵyrtyldy.
"QazMunaiGaz" málimetinshe, jóndeý kezeńinde ishki naryqtaǵy janar-jaǵarmai turaqtylyǵy saqtalyp, zaýyt ónimderi rezervtik qorlar esebinen úzdiksiz jetkizilip otyrǵan.
Aldaǵy ýaqytta zaýyttaǵy kelesi iri jóndeý jumystary 2030 jylǵa josparlanǵan. Buǵan deiin, 2028 jyly jekelegen qondyrǵylarǵa qysqa merzimdi aǵymdaǵy jóndeý júrgizý kózdelip otyr.
